ცენტრ-პოინტის საქმის განხილვა გრძელდება. სასამართლო პროცესზე დაცვის მხარემ ბრალდებული მაია რჩეულიშვილისათვის პატიმრობის გირაოთი შეცვლა მოითხოვა, რაზეც მან უარი მიიღო.

როგორც საქმის პროკურორი განმარტავს, დაზარალებულებსა და მოწმეებზე ზეწოლის საფრთხე ისევ არსებობს, რის გამოც ბრალდებულები პატიმრობაში უნდა დარჩნენ.

სასამართლოს შენობაში ასევე იმყოფებიან რჩეულიშვილის ოჯახის ახლობლებიც. როგორც ერთ-ერთმა მათგანმა, დათო ჩოგურიძემ განაცხადა, ბრალდებულებს არ აქვთ ისეთი დანაშაული ჩადენილი, რისთვისაც ის საპატიმროში უნდა იმყოფებოდეს:

"ჰუმანურად ეგრე [გაშვება] ეკუთვნით, რადგან ისეთი დანაშაული არ არის. სისხლის სამართლის დამნაშავეები ჰყავთ ხოლმე გარეთ სასამართლომდე და...".

ცენტრ პოინტის საქმეზე დაკავებულები არიან ცენტრ პოინტის დამფუძნებელი, მაია რჩეულიშვილი და მისი შვილი, სამეთვალყურეო საბჭოს თავმჯდომარე, გუკა რჩეულიშვილი. გარდა ამისა, დაპატიმრებულია ცენტრ პოინტის ბათუმის საინვესტიციო პროექტის ხელმძღვანელი, ირაკლი მინდელი.

სასამართლო ცენტრ პოინტის დამფუძნებლებს ჯგუფურად სხვისი ქონების გაფლანგვას ედავება, საქმე ათეულობით მილიონ ლარს ეხება.