გირჩის საპრეზიდენტო კანდიდატის, ზურა ჯაფარიძის თქმით, დედაენის ბაღში 16:20 საათზე კანაფის ლეგალიზაციის ფესტივალი მაინც ჩატარდება. როგორც ჯაფარიძემ განმარტა, ეს იქნება სამოქალაქო დაუმორჩილებლობის აქტი.

ჯაფარიძე ამბობს, ისინი აპირებენ, რომ ფესტივალით თავიანთი კონსტიტუციური უფლება დაიცვან. როგორც დაგეგმილი იყო, ფესტივალისთვის დედაენის ბაღში უნდა განთავსებულიყო დახლები და შესაბამისი აპარატურა, თუმცა შსს-მ ამის უფლება არ მისცა. უწყებაში გირჩს განუმარტეს, რომ მათ შესაბამისი ნებართვა არ აქვთ

გარდა ამისა, დედა ენის ბაღში მართლმადიდებელ მშობელთა კავშირი სამ საათზე კონტრაქციის გამართვას აპირებს.

ფესტივალის ორი ორგანიზატორი და გირჩის ლიდერები იაგო ხვიჩია და ვახტანგ მეგრელიშვილი კრიმინალურმა პოლიციამ ჩხრეკისთვის განყოფილებაში გადაიყვანა. ამასთან დაკავშირებით შინაგან საქმეთა სამინისტროს ჯერ ოფიციალური ინფორმაცია არ გაუვცელებია.