Yahoo-ს ინფორმაციით, საერთაშორისო ოლიმპიური კომიტეტის წევრი პატრიკ ჰიკეი რიოში ბილეთების უკანონოდ გაყიდვის ბრალდებით დააკავეს. ის ევროპის ოლიმპიური კომიტეტისა და ირლანდიის ეროვნული კომიტეტის ხელმძღვანელია.

როგორც პოლიცია აცხადებს, მან დაკავებისას გაქცევა სცადა, თუმცა ცუდად გახდა და საავადმყოფოში გადაიყვანეს. პატრიკ ჰიკეი 71 წლისაა.

5 აგვისტოს იმავე ბრალდებით დააკავეს სპორტული სტუმართმოყვარეობის სააგენტოს (THG Sports) წარმომადგენელი კევინ ჯეიმს მალონი, რომელმაც არალეგალურად გაყიდა ოლიმპიური თამაშების გახსნის ცერემონიის 1000 ბილეთი. როგორც პოლიცია აცხადებს მას ეს ბილეთები საკუთარ სახელზე ჰქონდა ნაყიდი და გაცილებით ძვირად ყიდდა.

ოლიმპიური კომიტეტის წევრები ამ ეტაპზე კომენტარს არ აკეთებენ, რადგან მოკვლევის პროცესში არიან.