10 ოქტომბრიდან თბილისში, სამ ლოკაციაზე საავტომობილო სიჩქარის კონტროლის 6 სექცია ამოქმედდა. ამის შესახებ ინფორმაცია შინაგან საქმეთა სამინისტრომ გაავრცელა.

კერძოდ, სიჩქარის მაქსიმალური მაჩვენებელი დაწესდა შემდეგ ადგილებში:

  • კახეთის გზატკეცილზე, ისთ ფოინთიდან გრიგორაშვილის ქუჩამდე — ნებადართული სიჩქარეა 80 კმ/სთ;
  • გრიგორაშვილის ქუჩიდან ისთ ფოინთამდე — ნებადართული სიჩქარეა 80 კმ/სთ;
  • ევროპის ქუჩიდან თბილისის საერთაშორისო აეროპორტამდე — ნებადართული სიჩქარეა 60 კმ/სთ;
  • თბილისის საერთაშორისო აეროპორტიდან — ევროპის ქუჩის დასასრულამდე, ნებადართული სიჩქარეა 60 კმ/სთ;
  • ხუდადოვის ქუჩის N-99-დან — ხუდადოვის ქუჩის ბოლომდე, მოედნამდე — ნებადართული სიჩქარეა 40 კმ/სთ;
  • ხუდადოვის ქუჩის დასაწყისიდან, მოედნიდან ხუდადოვის ქუჩის N-99-მდე — ნებადართული სიჩქარეა 40 კმ/სთ.

შსს-ს ცნობით, სიჩქარის სექციური კონტროლის სისტემით, მთელი საქართველოს მასშტაბით, უკვე 271 კილომეტრი საავტომობილო გზა კონტროლდება. დედაქალაქის მასშტაბით კი, ჯამურად, სიჩქარის მზომი 18 სექცია ფუნქციონირებს.