საქართველოს ომის დაწყებაში დადანაშაულების გარდა, გორის მერმა, კონსტანტინე თავზარაშვილმა დღეს რასისტული განცხადებაც გააკეთა. მერმა ამერიკის შეერთებული შტატების ყოფილი სახელმწიფო მდივანი, კონდოლიზა რაისი ზანგად მოიხსენია.

მოგვიანებით, რუსთავი 2-თან ინტერვიუში, გორის მერმა ამ საკითხზე საუბრისას განაცხადა, რომ არ ახსოვს "რამე ისეთი" გაეკეთებინოს. თავზარაშვილის თქმით, ბოდიშს იხდის იმისთვის, "თუ მექანიკურად რაღაც" წამოცდა.

On.ge-მ სცადა გორის მერთან დაკავშირება და დეტალების დაზუსტება, თუმცა კონსტანტინე თავზარაშვილი ჩვენს ზარებს არ პასუხობს.