შინაგან საქმეთა სამინისტროს ცნობით, ოჯახში მომხდარ დანაშაულებზე და ქალთა მიერ მომართვიანობა გაზრდილია — 2017 წლის მონაცემებით, 4 ათასზე მეტმა მიმართა სამართალდამცავ ორგანოს, 9 თვის მონაცემებით კი 5 000-ზე მეტი შემაკავებელი ორდერი გაიცა.

შინაგან საქმეთა სამინისტროს ადამიანის უფლებათა დაცვის დეპარტამენტი 9-თვიანი მუშაობის შესახებ ანგარიშს წარადგენს.

"ჩვენთვის უმთავრესი გამოწვევაა ელექტროსამაჯურების დანერგვა. ჩვენ ვფიქრობთ, რომ წლის ბოლოსთვის შესაძლებელი იქნება, დაინერგოს ელექტროსამაჯურები. გავაგრძელებთ საინფორმაციო კამპანიებს. ასევე გაგრძელდება ოჯახში ძალადობის კუთხით გამომძიებლების სპეციალიზაციის პროცესი, რათა ყველა დანაყოფში გვყავდეს სპეციალიზებული ადამიანი, რომელიც იმუშავებს ამ მიმართულებით", - განაცხადა ადამიანის უფლებათა დაცვის დეპარტამენტის ხელმძღვანელმა ლონდა თოლორაიამ.