თბილისის საქალაქო სასამართლომ ყოფილი მეუღლის მიმართ განხორციელებულ ძალადობასა და მუქარაში ბრალდებული პირი დამნაშავედ ცნო.

პროკურატურის მიერ გავრცელებულ განცხადებაში ნათქვამია, რომ 2018 წლის 27 მაისს, არასრულწლოვანი შვილის თანდასწრებით მსჯავრდებულმა ყოფილ მეუღლეს ფიზიკური შეურაცხყოფა მიაყენა და მოკვლით დაემუქრა.

სამართალდამცველებმა ის 2018 წლის 28 მაისს თბილისში დააკავეს. მას ბრალდება საქართველოს სისხლის სამართლის კოდექსის 111-151-ე მუხლის პირველი ნაწილით და 1261-ე მუხლის მე-2 ნაწილის ბ ქვეპუნქტით წარედგინა და აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ ყოფილი მეუღლე დამნაშავედ ცნო წარდგენილ ბრალდებაში და სასჯელის სახედ და ზომად 1 წლით და 6 თვით თავისუფლების აღკვეთა განუსაზღვრა.