შინაგან საქმეთა სამინისტროს ინფორმაციით, თბილისობის დღესასწაულთან დაკავშირებით თბილისის რამდენიმე ქუჩაზე მოძრაობა შეიზღუდება.

მოძრაობა აკრძალულია:

  • ევროპის მოედანზე და მეტეხის ხიდზე;
  • აბანოთუბნიდან გორგასლის მოედნის მიმართულებით (უწყების განცხადებით, მოძრაობა შესაძლებელი იქნება თუმანიანის ქუჩიდან კოტე აფხაზის ქუჩის გავლით);
  • რესპუბლიკის მოედანზე (უწყებაში ამბობენ, რომ რუსთაველიდან მოძრავი ნაკადი იმოძრავებს რესპუბლიკის მოედნის გავლით კოსტავას ქუჩის მიმართულებით, ხოლო მელიქიშვილი კოსტავას ქუჩიდან მომავალი ნაკადი იმოძრავებს ელბაქიძის დაღმართის გავლით სანაპიროს მიმართულებით).

მოძრაობა შეიზღუდება:

  • ახვლედიანის მოედანზე და მის მიმდებარე ტერიტორიაზე, სრულად დაიკეტება ბარათაშვილის მარცხენა პანდუსი (უწყების განცხადებით, საზოგადოებრივი ტრანსპორტის მოძრაობა შესაძლებელი იქნება მისთვის განკუთვნილ ზოლში, კერძოდ, ახვლედიანიდან ბარათაშვილის ხიდისა და წმ. ნიკოლოზის ეკლესიის მიმართულებით).

6 ოქტომბერს, 9:00 საათიდან 23:00 საათამდე, ავტოტრანსპორტის მოძრაობა აიკრძალება ოქროყანაში, მთაწმინდის პარკის მიმართულებით. გადაადგილება შესაძლებელი იქნება მხოლოდ საზოგადოებრივი ტრანსპორტით, რომელიც განლაგებული იქნება შინდისი-ოქროყანის გზაჯვარედინზე.

უწყების განცხადებით, მოძრაობა სრულად აღდგება თბილისობის დღესასწაულის დასრულებისთანავე.