6-წლიანი განშორების შემდეგ, ირლანდიური ბენდის წევრები კვლავ გაერთიანდნენ და დააანონსეს, რომ ფანებს მალე დაუბრუნდებიან.

Westlife-ის შექმნიდან 20 წლის თავზე, შეინ ფილენი, მარკ ფიჰილი, კიენ იგენი, ნიკი ბირნი ახალ მუსიკას გამოუშვებენ და ტურნეს გამართავენ.

"მალე გნახავთ", - ამბობენ ისინი ვიდეოს ბოლოს.

ჯგუფს არ უერთდება ბრაიან მაკფედენი, რომელიც მას 2004 წელს გამოეყო.

Westlife-მა მსოფლიო მასშტაბით ჯამში 44 მილიონი ჩანაწერი გაყიდა. ჯგუფი 2012 წელს, ტურნეს The Greatest Hits-ის შემდეგ დაიშალა და წევრებმა სოლო კარიერა დაიწყეს.

ჯგუფის პოპულარულ სიმღერებს შორისაა Uptown Girl, My Love, დიანა როსთან ერთად ჩაწერილი When You Tell Me That You Love Me და ა.შ.