მესამე შვილის გაჩენის შემდეგ, ქეით მიდლტონი დეკრეტული შვებულებიდან დაბრუნდა და ლონდონის საბავშვო ბაღში აღსაზრდელებთან ერთად დრო გაატარა.

კემბრიჯის ჰერცოგინიამ [რომელიც უბრალოდ იდეალურად გამოიყურება] ბავშვებთან ერთად ეზოში ისეირნა და ითამაშა, მოგვიანებით კი მაგიდასთანაც ჩამოჯდა, სადაც მის გვერდით 4 წლის გოგო, ენვერი მოკალათდა.

პატარა გოგო ვარდისფერი ფინჯნიდან დალევას ისე ცდილობდა, რომ ხელებს არ იყენებდა. ქეითი კი მისი ყურებისას სიცილს ვერ იკავებდა. გოგონამ ჭიქა პირიდან მოიშორა, ქეითს გაუშვირა და დაიძახა: "დამიმატე!"

როგორც ბავშვების მასწავლებელი ამბობს, ბავშვები პრინცესას სტუმრობით აღტაცებულნი იყვნენ. ენვერი კი მთელი დღის განმავლობაში მასზე საუბრობდა.

ერთმა გოგომ ქეითს ისიც ჰკითხა, თუ რატომ უღებდნენ ფოტოებს.

"ისინი ფოტოებს შენ გიღებენ, იმიტომ რომ განსაკუთრებული ხარ", - უპასუხა მას სამეფო ოჯახის წევრმა.