ინდონეზიაში მომხდარი მიწისძვრისა და ცუნამის შედეგად გარდაცვლილთა რიცხვი 1,347-მდე გაიზარდა. ინფორმაციას BBC ავრცელებს. ბოლო მონაცემებით, ბუნებრივი შემთხვევის შედეგად გარდაცვლილთა რაოდენობა 844 იყო, რის შემდეგაც ქვეყნის კატასტროფების ცენტრმა ახალი მონაცემები გამოაქვეყნა.

მიწისძვრისა და ცუნამის გამო ადგილობრივები საჭმლის, გაზისა და წყლის გარეშე არიან დარჩენილი. ვარაუდობენ იმასაც, რომ შენობების ნანგრევებიდან მაშველებს გადარჩენილები ბოლომდე არ გამოუყვანიათ.

ინდონეზიის წითელი ჯვრის მოძრაობის ინფორმაციით, კატასტროფის შემდეგ სტუდენტთა 86-კაციანი ჯგუფი დაიკარგა, რომელთაგანაც 34 ნანგრევებში გარდაცვლილი იპოვეს, დანარჩენი სტუდენტების ადგილსამყოფელი კი უცნობია.

7,5 მაგნიტუდის მიწისძვრა სულავესში 28 სექტემბერს მოხდა. მიწისძვრით გამოწვეულმა ცუნამიმ სანაპიროზე მდებარე ქალაქ პალუს გადაუარა.

განახლება: BBC-ის თავდაპირველი ინფორმაციით, გარდაცვლილთა რიცხვმა 1 200 ადამიანს გადააჭარბა, რაც მოგვიანებით განახლდა.