თეთრიწყაროს რაიონულმა სასამართლომ ყოფილ ცოლზე გადაწვის მუქარისთვის კაცს ორწლიანი პატიმრობა მიუსაჯეს.

პროკურატურის განცხადებით, 2018 წლის 30 მაისს განზრახი დანაშაულის ჩადენისთვის პირობითი მსჯავრის ქვეშ მყოფი კაცი ყოფილი ცოლის სახლში შვილების წასაყვანად მივიდა, რაზეც ქალმა უარი უთხრა. როგორც უწყება განმარტავს, ყოფილი ცოლის სახლში შეღწევისთვის კაცი კარს ძლიერად ურტყამდა, შემდეგ კი მას გადაწვით დაემუქრა და სახლის მიმდებარედ მდგომი ავტომანქანიდან საწვავის ჩამოსხმას ცდილობდა

სამართალდამცველებმა კაცი იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა-151-ე მუხლის პირველი ნაწილით წარედგინა და აღკვეთის ღონისძიების სახით პატიმრობა შეეფარდა. ბრალდება გულისხმობს ოჯახის ერთი წევრის მიერ ოჯახის სხვა წევრის მიმართ სიცოცხლის მოსპობის მუქარას, როდესაც იმას, ვისაც ემუქრებიან, გაუჩნდა მუქარის განხორციელების საფუძვლიანი შიში.