მმართველი პარტია დღეს, პირველ ოქტომბერს საპარლამენტო არჩევნებზე გამარჯვებიდან 6 წლისთავზე შეიკრიბა. შეკრების ერთ-ერთი თემა ნაციონალური მოძრაობა და მისი კრიტიკა იყო.

შეხვედრის შემდეგ საზოგადოებას კახა კალაძემ მიმართა. მან ისაუბრა იმაზე თუ რა შეიცვალა ოცნების მმართველობის პერიოდში. კალაძემ ძირითადი აქცენტი გააკეთა ნაციონალური მოძრაობის ცხრაწლიან მმართველობაზე. მისი თქმით, ეს იყო დანაშაულებრივი რეჟიმი, რომელიც მათ შეცვალეს. კალაძემ განაცხადა, რომ პარტიას ბევრი მიღწევა აქვს ქვეყნის აღმშენებლობის საქმეში.

თბილისის მერმა ასევე ისაუბრა მმართველი პარტიის მხარდაჭერილი კანდიდატის, სალომე ზურაბიშვილის კრიტიკაზეც. მისი თქმით, ნაციონალური მოძრაობა აკრიტიკებს იმ ადამიანს, ვინც რუსეთის ჯარები გაიყვანა საქართველოდან, როცა ეს ჯარები თავად შემოიყვანეს ქვეყანაში.

შეხვედრა პარტიის ლიდერმა ისე დატოვა, რომ ჟურნალისტებთან კომენტარი არ გაუკეთებია.თვალი ადევნეთ On.ge-ს ლაივს ოცნების ბრიფინგიდან:

ქართული ოცნების შეკრების შესახევ მას შემდეგ გახდა ცნობილი, რაც მმართველმა პარტიამ განაცხადა, რომ პარლამენტის თავმჯდომარის სახელით ყალბი შეტყობინებები ვრცელდებოდა. შეტყობინებაში ეწერა, რომ ქართული ოცნება არჩევნებში მხარს არა სალომე ზურაბიშვილს, არამედ ზურა ჯაფარიძეს დაუჭერს.