BBC News-ს ინფორმაციით, უკრაინის ევროპასთან სავაჭრო ბარიერის გაუქმებას ნიდერლანდების მოქალაქეებმა მხარი არ დაუჭირეს.

რეფერენდუმში, რომელიც 6 აპრილს გაიმართა, მონაწილეთა აქტივობა დაბალი იყო და 32.2%-ს შეადგენდა. თუმცა, შედეგები ვალიდურად ითვლება, რადგან ამისთვის 30%-იანი აქტივობაც საკმარისია.

ამომრჩევლების 61,1%-მა მხარი არ დაუჭირა უკრაინასთან ევროკავშირის ხელშეკრულების რატიფიცირებას. არჩევნებში მონაწილეთა 38,1% კი უკრაინისა და ევროკავშირის დაახლოების მომხრეა.

უკრაინის პრეზიდენტის პეტრო პოროშენკოს თქმით, უკრაინა ევროპისკენ აღებულ კურსს განაგრძობს.

2015 წელს, ნიდერლანდების პარლამენტმა უკრაინის ევროპასთან ხელშეკრულების რატიფიცირებას მხარი დაუჭირა.

რაც შეეხება რეფერენდუმის შედეგებს, ის სარეკომენდაციო ხასიათს ატარებს და მისი შესრულება სავალდებულო არ არის.