სწორი აქცენტები თუ მოუმზადებელი სიტყვა — დეპუტატები ბახტაძის გაეროში გამოსვლას აფასებენ
საქართველოს პრემიერ-მინისტრის, მამუკა ბახტაძის გამოსვლას გაეროს ასამბლეის 73-ე სესიაზე ქართულ პოლიტიკურ წრეებში არაერთგვაროვნად აფასებენ. ქართულ ოცნებას მიაჩნია, რომ პრემიერმა გამოსვლის დროს სწორი აქცენტები დასვა. მმართველი გუნდისგან განსხვავებულად ფიქრობენ საპარლამენტო ოპოზიციის დეპუტატები. ნაციონალურ მოძრაობის აზრით, მამუკა ბახტაძის გამოსვლა, უკრაინის პრეზიდენტის, პეტრო პოროშენკოს კრიტიკულმა სიტყვამ განაპირობა, ევროპული საქართველოს პოზიციით კი პრემიერი გამოსვლისთვის მოუმზადებელი იყო.
ქართული ოცნება
ქართული ოცნების ლიდერის, არჩილ თალაკვაძის თქმით, მამუკა ბახტაძემ სწორი აქცენტები დასვა, როდესაც რეგიონში საქართველოს როლზე ისაუბრა და მსოფლიოს მხარდაჭერისკენ მოუწოდა:
"მან საკუთარი ქვეყანა წარმოაჩინა, როგორც ძლიერი პარტნიორი, რომელსაც კიდევ უფრო მეტი მხარდაჭერა სჭირდება მსოფლიო თანამეგობრობის მხრიდან. მან ისაუბრა მსოფლიოში მშვიდობისა და უსაფრთხოების საკითხებში საქართველოს მიერ შეტანილ წვლილზე. ამავე დროს, მოუწოდა პარტნიორ ქვეყნებს, კიდევ უფრო აქტიურად დაუჭირონ მხარი საქართველოში განვითარების პროცესს".
უმრავლესობის დეპუტატი, ჯანდაცვის კომიტეტის თავმჯდომარე, აკაკი ზოიძე იზიარებს არჩილ თალაკვაძის აზრს და ფიქრობს, რომ რუსეთის მიმართ მკაფიო გზავნილი იყო, რომ "დროა, ოკუპაცია დასრულდეს, მსოფლიო თანამეგობრობამ ხმა აიმაღლოს და იმ უსამართლობის ბოლოს მოღებას დაუჭიროს მხარი, რომელიც 25 წელია საქართველოს ტერიტორიაზე მცოცავი ოკუპაციისა და მავთულხლართების სახეს იღებს".
"ის, რომ რუსეთის საგარეო უწყების ხელმძღვანელი დარბაზში არ იჯდა, იმას არ ნიშნავს, რომ ეს გზავნილი მიღებული არ იქნა. სამწუხაროდ, ასეთ გზავნილებზე პროვოკაციულ პასუხს ვიღებთ", — ამბობს აკაკი ზოიძე.
ნაციონალური მოძრაობა
ნაციონალური მოძრაობის დეპუტატის, სალომე სამადაშვილის განცხადებით, პრემიერის მოუწია მძაფრი განცხადებების გაკეთება მხოლოდ იმიტომ, რომ მანამდე უკრაინის პრეზიდენტმა გააკეთა რუსეთის მხრიდან განხორციელებულ ოკუპაციაზე მკვეთრი განცხადება. პოროშენკომ აღნიშნა, რომ 2008 წელს ომი რუსეთმა დაიწყო.
"იმას, რომ საქართველომ დაიწყო ომი 2008 წელს, იძახის არა მხოლოდ სალომე ზურაბიშვილი, არამედ იმავეს იმეორებს, მაგალითად, პარლამენტის თავმჯდომარე, ბატონი კობახიძე და იგივე აზრი აქვს, რაც მთავარია, ბიძინა ივანიშვილს, რომელიც არის ამ ქვეყნის რეალური მმართველი", — განაცხადა სალომე სამადაშვილმა.
მისი თქმით, მოსახლეობამ თავი არ უნდა მოიტყუოს და უნდა იცოდეს, რომ რეალური პოზიცია დღევანდელი მმართველი პოლიტიკური გუნდის, რომლის უკანაც დგას ბიძინა ივანიშვილი, მთლიანად ემთხვევა სალომე ზურაბიშვილის განცხადებებს.
"თუმცა, გაეროს ტრიბუნიდან ამაზე საუბარი პრემიერ-მინისტრს ალბათ, გაუჭირდებოდა, მაშინ, როდესაც უკრაინის პრეზიდენტი იძახის, რომ ტყუილია, რუსული ნარატივი, რომ საქართველო არის დამნაშავე 2008 წლის ომში, შესაბამისად, ვფიქრობ, რომ მას უბრალოდ სხვა არჩევანი არ ჰქონდა, გარდა იმისა, რომ ეთქვა ის, რაც თქვა", — განაცხადა სამადაშვილმა.
ევროპული საქართველო
ევროპული საქართველოს დეპუტატის, გიგა ბოკერიას შეფასებით, გაეროში საქართველოს პრემიერ-მინისტრს, მამუკა ბახტაძეს მოუმზადებელი და არასწორი ხედვის გამოსვლა ჰქონდა.
ბოკერიას თქმით, მრავალთვიანი კრიტიკის შემდეგ, პრემიერ-მინისტრმა "ოთხოზორია-ტატუნაშვილის სია როგორც იქნა ახსენა", მაგრამ სამწუხაროდ, საკუთარი გამოსვლა სწორ კონტექსტში არ ჩასვა.
"საქართველო ყოველთვის საერთაშორისო საფრთხის კონტექსტში უნდა ჩასვა, რადგან ეს მხოლოდ ჩვენი პრობლემა კი არ არის, არამედ მთელი თავისუფალი სამყაროს პრობლემაა და ეს მან არ გააკეთა, განსხვავებით, ესტონეთისა და უკრაინის პრეზიდენტებისგან", — ამბობს გიგა ბოკერია.
ბოკერიას აზრით, პრემიერს საერთაშორისო თანამეგობრობის წინაშე კონკრეტული მოთხოვნები უნდა დაეყენებინა.
ბოკერია რუსეთის ოკუპაციაზე ბახტაძის განცხადებებს "გამოსვლის სწორ ნაწილს" უწოდებს და ფიქრობს, რომ ეს შეუთავსებელია ქართული ოცნების გუნდის მიერ სალომე ზურაბიშვილის მხარდაჭერისთან.
"მას სანქციებზე და იმაზე უნდა ესაუბრა, რომ რუსეთი საქართველოს მიმართ ისევე არღვევს საერთაშორისო სამართლის ნორმებს და მის მიერ აღებულ ვალდებულებებს, როგორც უკრაინასთან მიმართებაში. ფუნდამენტურად არასწორია როცა ამბობ, რომ რუსეთი შენი პრობლემაა და არა — თავისუფალი სამყაროსა და მთელი მსოფლიოსი", — განაცხადა ბოკერიამ.
პატრიოტთა ალიანსი
On.ge დილიდან ცდილობს პატრიოტთა ალიანსის დეპუტატებთან დაკავშირებას, თუმცა უშედეგოდ. ირმა ინაშვილის სამდივნოში განგვიცხადეს, რომ ის კომენტარს გადატვირთული გრაფიკის გამო ვერ გააკეთებს, ხოლო ფრაქცია პატრიოტების სხვა დეპუტატები On.ge-ს ზარებს არ პასუხობენ.
გაიგე მეტი:
-
გადახედვატრამპი პუტინს: ომზე თუ შეთანხმებას არ მივაღწევთ, მაღალი დონის ტარიფებს, სანქციებს დავაწესებ ტრამპი პუტინს: ომზე თუ შეთანხმებას არ მივაღწევთ, მაღალი დონის ტარიფებს, სანქციებს დავაწესებ
-
გადახედვაუწყვეტი პროტესტის 56-ე დღეს რუსთაველის გამზირი გადაიკეტა უწყვეტი პროტესტის 56-ე დღეს რუსთაველის გამზირი გადაიკეტა
-
გადახედვაგიორგი გახარია: ეს იყო წინასწარ ორგანიზებული, პოლიტიკური შურისძიება. თავდასხმის დამკვეთი - ბიძინა ივანიშვილი გიორგი გახარია: ეს იყო წინასწარ ორგანიზებული, პოლიტიკური შურისძიება. თავდასხმის დამკვეთი - ბიძინა ივანიშვილი
-
გადახედვა400 მილიონი წლის წინ ვეშაპის წინაპრები ხმელეთზე ამოვიდნენ, შემდეგ კი ისევ წყალში დაბრუნდნენ 400 მილიონი წლის წინ ვეშაპის წინაპრები ხმელეთზე ამოვიდნენ, შემდეგ კი ისევ წყალში დაბრუნდნენ
-
გადახედვატრამპი ხელოვნური ინტელექტის განვითარებაში 500 მილიარდი დოლარის ინვესტირებას გეგმავს ტრამპი ხელოვნური ინტელექტის განვითარებაში 500 მილიარდი დოლარის ინვესტირებას გეგმავს
-
გადახედვა"მაისის სტუდენტურმა მოძრაობამ" თსუ-ს საგამოცდო ცენტრი დაიკავა "მაისის სტუდენტურმა მოძრაობამ" თსუ-ს საგამოცდო ცენტრი დაიკავა
-
გადახედვასუს-ი: რუსეთის საოკუპაციო ძალების მიერ უკანონოდ დაკავებული ალექსი მამულია და ივანე ჯაფიაშვილი თავისუფლები არიან სუს-ი: რუსეთის საოკუპაციო ძალების მიერ უკანონოდ დაკავებული ალექსი მამულია და ივანე ჯაფიაშვილი თავისუფლები არიან
-
გადახედვამამუკა მდინარაძემ დაადასტურა, რომ ირაკლი ზარქუა და ვიქტორ სანიკიძე საქართველოში დაბრუნდნენ მამუკა მდინარაძემ დაადასტურა, რომ ირაკლი ზარქუა და ვიქტორ სანიკიძე საქართველოში დაბრუნდნენ
-
გადახედვამარსზე ტალღების მიერ დატოვებული კვალი აღმოაჩინეს მარსზე ტალღების მიერ დატოვებული კვალი აღმოაჩინეს
-
გადახედვაოლაფ შოლცი: აშშ-სთან სტაბილური ურთიერთობა გვჭირდება ოლაფ შოლცი: აშშ-სთან სტაბილური ურთიერთობა გვჭირდება
-
გადახედვაროგორ იკვებებოდნენ ჩვენი წინაპრები 3 მილიონი წლის წინ — კვლევა როგორ იკვებებოდნენ ჩვენი წინაპრები 3 მილიონი წლის წინ — კვლევა
-
გადახედვაWHO-მ საქართველო მალარიისაგან თავისუფალ ქვეყნად გამოაცხადა — რას ნიშნავს ეს WHO-მ საქართველო მალარიისაგან თავისუფალ ქვეყნად გამოაცხადა — რას ნიშნავს ეს
-
გადახედვაზვიად ქორიძე სასტუმრო “შერატონში” მომხდარი დაპირისპირების საქმეზე დაზარალებულად ცნეს ზვიად ქორიძე სასტუმრო “შერატონში” მომხდარი დაპირისპირების საქმეზე დაზარალებულად ცნეს
-
გადახედვაOn.ge-ის განცხადება On.ge-ის განცხადება
-
გადახედვაპარლამენტთან მზია ამაღლობლის მხარდამჭერი საპროტესტო აქცია გაიმართა პარლამენტთან მზია ამაღლობლის მხარდამჭერი საპროტესტო აქცია გაიმართა
-
გადახედვაჩინეთის "ხელოვნურმა მზემ" ახალი რეკორდი დაამყარა — ერთი ნაბიჯით ახლოს სუფთა ენერგიასთან ჩინეთის "ხელოვნურმა მზემ" ახალი რეკორდი დაამყარა — ერთი ნაბიჯით ახლოს სუფთა ენერგიასთან
-
გადახედვაჰეზბოლას მეთაური, საკუთარ სახლთან მოკლული იპოვეს ჰეზბოლას მეთაური, საკუთარ სახლთან მოკლული იპოვეს
-
გადახედვალევან მახაშვილი: სამწუხაროდ, ევროპარლამენტის დებატებზე წარმოსახვით საქართველოს ვხედავთ, რეალური საქართველო კი სხვაა ლევან მახაშვილი: სამწუხაროდ, ევროპარლამენტის დებატებზე წარმოსახვით საქართველოს ვხედავთ, რეალური საქართველო კი სხვაა
-
გადახედვა"უხარისხო" კანდიდატურების გამო, მოლდოვა ევროვიზია 2025-ს გამოეთიშა "უხარისხო" კანდიდატურების გამო, მოლდოვა ევროვიზია 2025-ს გამოეთიშა
-
გადახედვამოსამართლე ლელა კალიჩენკომ, პროევროპულ აქციებზე დაკავებული არჩილ მუსელიანი პატიმრობაში დატოვა მოსამართლე ლელა კალიჩენკომ, პროევროპულ აქციებზე დაკავებული არჩილ მუსელიანი პატიმრობაში დატოვა
-
გადახედვარუსეთმა ტრამპი გააფრთხილა, რომ პანამის არხი ხელში ძალით არ ჩაიგდოს რუსეთმა ტრამპი გააფრთხილა, რომ პანამის არხი ხელში ძალით არ ჩაიგდოს
კომენტარები