რეალური მთლიანი შიდა ეკონომიკური ზრდის ტემპი, 2018 წლის აგვისტოში გასული წლის შესაბამის პერიოდთან შედარებით, 2 პროცენტამდე დაეცა. ამის შესახებ ინფორმაციას საქართველოს სტატისტიკის ეროვნული სამსახური ავრცელებს.

აგვისტოში ეკონომიკის განვითარების 2 პროცენტამდე დაწევამ გავლენა მოახდინა 2018 წლის პირველი ცხრა თვის საშუალო რეალურ ეკონომიკურ ზრდაზეც. წელს, იანვარ-აგვისტოში საქართველოს ეკონომიკური ზრდა 4,8 პროცენტი იყო.

საქართველოს ყოფილი პრემიერის, გიორგი კვირიკაშვილის თანამდებობიდან წასვლის მიზეზზე საუბრისას მმართველი გუნდი ეკონომიკურ პრობლემებზე საუბრით პასუხობდა. თუმცა, მისი ხელისუფლებიდან წასვლამდე, 2018 წლის მაისში საქართველოს ეკონომიკა 5,5 პროცენტით გაიზარდა.