საქართველოს პრემიერ-მინისტრმა, მამუკა ბახტაძეს გაეროს ასამბლეის დელეგატებს საქართველოში თბილისის ფორუმის ჩატარება შესთავაზა.

პრემიერმა აბრეშუმის გზის ფორუმი გაიხსენა და გაეროს წევრი ქვეყნების წარმომადგენლებს ახალი ინიციატივით მიმართა.

"მსურს, ახალი ინიციატივით გამოვიდე და შემოგთავაზოთ თბილისის ფორუმის ჩატარება, რომლის მთავარი მიზანი იქნება, შავი ზღვის რეგიონი და კავკასია, რომელიც დაპირისპირების არეალია, გადაიქცეს მშვიდობის, თანამშრომლობისა და განვითარების სივრცედ", – განაცხადა მან.

საქართველოს პრემიერ-მინისტრმა, მამუკა ბახტაძემ, გაეროს გენერალური ასამბლეის 73-ე სესიაზე სიტყვა ქართულ ენაზე წარმოთქვა. ის პირველი პრემიერ-მინისტრია, რომელმაც გაეროს ასამბლეაზე ქართულად ისაუბრა.

სიტყვით გამოსვლის დროს მთავრობის მეთაურმა ყურადღება ოკუპირებულ ტერიტორიებზე, ქვეყნის სამშვიდობო პოლიტიკაზე, ახალ ინიციატივებსა და ქვეყნის საგარეო პოლიტიკაზე გაამახვილა.

ამავე თემაზე: