გაიყვანეთ ჯარები საქართველოს ტერიტორიიდან — ბახტაძე გაეროს ტრიბუნიდან რუსეთს მიმართავს
საქართველოს პრემიერ-მინისტრმა, მამუკა ბახტაძემ გაეროს გენერალური ასამბლეის 73-ე სესიაზე გამოსვლა ოკუპაციაზე საუბრით დაიწყო. პრემიერმა გაეროს ტრიბუნიდან მოუწოდა რუსეთს გაიყვანოს ჯარები საქართველოს ტერიტორიიდან და შეასრულოს საერთაშორისო ხელშეკრულებით აღებული ვალდებულებები.
მამუკა ბახტაძემ თავის 18-წუთიან გამოსვლაში 8 წუთი საქართველოს ტერიტორიების რუსეთის მიერ ოკუპაციის თემას დაუთმო. მან საუბარი აფხაზეთის დაცემის დღეზე საუბრით დაიწყო და განაცხადა, რომ 27 სექტემბერი უაღრესად მძიმე და ტკივილით სავსე თარიღია საქართველოს ისტორიაში.
"25 წლის წინ, სწორედ ამ დღეს დაიწყო საქართველოს ისტორიული ნაწილის ოკუპაცია. ეს უმძიმეს გამოწვევად იქცა საქართველოს ახლადაღდგენილი სახელმწიფოებრიობისათვის", —განაცხადა პრემიერმა.
მან საუბარი აგვისტოს ომსა და იმ პრობლემებზე საუბრით გააგრძელა, რაც ოკუპირებულ ტერიტორიაზე მცხოვრებ მოსახლეობას აწუხებს.
"ეთნიკური წმენდის შედეგად, საქართველოს მოსახლეობის 10 პროცენტი დღესაც დევნილობაშია, ფეხქვეშ ითელება ასობით ათასი ჩვენი მოქალაქის უფლებები", — თქვა ბახტაძემ.
მისივე განცხადებით, უმძიმესი და საგანგაშოა აფხაზეთსა და ცხინვალის რეგიონში შექმნილი მდგომარეობა. ოკუპირებულ ტერიტორიაზე არსებული სიტუაცია არის უმწვავესი ხარისხის ჰუმანიტარული კატასტროფა.
მამუკა ბახტაძემ ოკუპირებული რეგიონების მზარდ მილიტარიზაციაზეც ისაუბრა და აღნიშნა, რომ სულ უფრო მწვავე სახეს იღებს დეპოპულაცია, მოსახლეობის რაოდენობის მკვეთრი შემცირება.
მისივე თქმით, ჰუმანიტარული, სოციალურ-ეკონომიკური და ადამიანის უფლებების კუთხით შექმნილი უმძიმესი პირობების გამო, ოკუპაციამდელ პერიოდთან შედარებით, 4-5-ჯერ არის შემცირებული მოსახლეობის რაოდენობა ოკუპირებულ ტერიტორიებზე; მავთულხლართები და სხვა ხელოვნური ბარიერები ერთმანეთს აშორებს ოჯახებს და არღვევს ადამიანის ფუნდამენტურ უფლებებს; საოკუპაციო ხაზებთან მცხოვრებ მოსახლეობას სალოცავებისა და წინაპართა საფლავების მონახულების საშუალებაც კი არ ეძლევათ.
"ჩვენს მოქალაქეებს უკრძალავენ მშობლიურ ენაზე მისცენ განათლება საკუთარ შვილებს. გრძელდება გატაცების არაადამიანური და სასტიკი მოპყრობის, წამებისა და მკვლელობის ფაქტები", — განაცხადა პრემიერმა.
ამ კონტექსტში გაეროს გენერალურ ასამბლეაზე მამუკა ბახტაძემ საქართველოს მოქალაქეები: არჩილ ტატუნაშვილი, გიგა ოთხოზორია და 18 წლის დავით ბაშარული ახსენა. პრემიერმა ოთხოზორია-ტატუნაშვილის სიაზეც ისაუბრა. მისი თქმით, ამ სიის ფიგურანტებს საერთაშორისო სამართლით უნდა მოეთხოვოთ პასუხი.
მამუკა ბახტაძის განცხადებით, ოკუპაციამ და კანონის უხეშმა ხელყოფამ სერიოზული გამოწვევები შეუქმნა არა მხოლოდ საქართველოს, არამედ მთლიანად რეგიონის სტაბილურობასა და მის უსაფრთხოებას.
"სამხრეთ-კავკასიაში არსებული კონფლიქტების გათვალისწინებით, სულ მცირე ინციდენტიც კი შეიძლება გადაიზარდოს უკონტროლო პროცესში შესაბამისი მძიმე შედეგებით", — განაცხადა ბახტაძემ.
მისი პოზიციით, არსებულ გეოპოლიტიკურ ფონზე უმნიშვნელოვანესია საერთაშორისო საზოგადოების ურყევი მხარდაჭერა რუსეთ-საქართველოს კონფლიქტის მოგვარების პროცესში.
"საერთაშორისო თანამეგობრობა ერთიანი და პრინციპული უნდა იყოს სუვერენული ქვეყნების თავისუფლებისა და საერთაშორისო საზღვრების ურღვევობის პრინციპის სადარაჯოზე, რადგან საერთაშორისო სამართლის ფუნდამენტური ნორმებისა და ადამიანის უფლებების დაცვა არის ერთადერთი გზა მსოფლიოში მშვიდობისა და უსაფრთხოებისკენ", — თქვა საქართველოს პრემირ-მინისტრმა.
მან ხაზი გაუსვა ფაქტს, რომ რუსეთი დღემდე არ ასრულებს ნაკისრ საერთაშორისო ვალდებულებებს და 2008 წელს ევროკავშირის შუამდგომლობით მიღწეულ ცეცხლის შეწყვეტის შეთანხმებას მაშინ, როცა საქართველომ ეს შეთანხმება სრულად შეასრულა და ძალის არგამოყენებაზე პასუხისმგებლობაც აიღო.
"მივმართავ რუსეთის ფედერაციას — შეასრულეთ ნაკისრი საერთაშორისო ვალდებულებები და გაიყვანეთ თქვენი ჯარები საქართველოს ტერიტორიიდან. ჩვენ ვცდილობთ აქტიურად გამოვიყენოთ ჟენევის საერთაშორისო მოლაპარაკებების ფორმატი, მაგრამ ჩვენი მცდელობა მოლაპარაკების მაგიდასთან დღემდე რუსეთის მხრიდან დაუსაბუთებელ და ყოვლად მიუღებელ წინააღმდეგობას აწყდება", — განაცხადა ბახტაძემ.
მან დასძინა, რომ საქართველოს სურს რუსეთთან ურთიერთობების ჩიხიდან გამოყვანა, მაგრამ მხოლოდ სახელმწიფოს სუვერენიტეტის, ტერიტორიული მთლიანობის, ადამიანის უფლებების დაცვის, საერთაშორისო სამართლის პრინციპების საფუძველზე.
"მიუხედავად ამ უსამართლობისა ჩვენი პასუხი ამ გამოწვევებზე არის მხოლოდ მშვიდობა და საქართველოს განვითარება", — აღნიშნა მამუკა ბახტაძემ.
სამშვიდობო კონტექსტში პრემიერმა საერთაშორისო კოლეგებს წარუდგინა სამთავრობო ინიციატივა "ნაბიჯი უკეთესი მომავლისკენ". ამ ინიციატივის მიზანია, ოკუპირებულ ტერიტორიებზე არსებული ჰუმანიტარული კატასტროფის დაძლევა და ახალი შესაძლებლობების მიცემა ოკუპირებულ ტერიტორიაზე მცხოვრები ადამიანებისთვის. პრემიერის თქმით, ამ სამშვიდობო ინიციატივით ოკუპირებულ ტერიტორიენზე მცხოვრებლებს ექნებათ წვდომა ჯანდაცვისა და განათლების სერვისებზე და ექნებათ პირობები კომერციული საქმიანობის დასაწყებად.
მამუკა ბახტაძის გამოსვლა გაეროს გენერალურ ასამბლეაზე
საქართველოს პრემიერ-მინისტრმა, მამუკა ბახტაძემ, გაეროს გენერალური ასამბლეის 73-ე სესიაზე სიტყვა ქართულ ენაზე წარმოთქვა. ის პირველი პრემიერ-მინისტრია, რომელმაც გაეროს ასამბლეაზე ქართულად ისაუბრა.
სიტყვით გამოსვლის დროს მთავრობის მეთაურმა ყურადღება ოკუპირებულ ტერიტორიებზე, ქვეყნის სამშვიდობო პოლიტიკაზე, ახალ ინიციატივებსა და ქვეყნის საგარეო პოლიტიკაზე გაამახვილა.
-
გადახედვაყალბი მართვის მოწმობების დამზადება-გასაღების ფაქტზე ოთხი პირი დააკავეს ყალბი მართვის მოწმობების დამზადება-გასაღების ფაქტზე ოთხი პირი დააკავეს
-
გადახედვაბრიტანულმა კომპანიამ "უჩინმაჩინის ფარის" გაყიდვა დაიწყო ბრიტანულმა კომპანიამ "უჩინმაჩინის ფარის" გაყიდვა დაიწყო
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვატეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს ტეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს
-
გადახედვასაერთაშორისო კოსმოსურ სადგურში ბაქტერიებმა მუტაცია განიცადეს საერთაშორისო კოსმოსურ სადგურში ბაქტერიებმა მუტაცია განიცადეს
-
-
-
გადახედვამეცნიერებმა გადაშენების საფრთხის ქვეშ მყოფი ქრცვინის კლონები შექმნეს მეცნიერებმა გადაშენების საფრთხის ქვეშ მყოფი ქრცვინის კლონები შექმნეს
-
გადახედვაკგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო კგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო
-
გადახედვაროგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა როგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა
-
გადახედვაჯანდაცვის მინისტრს ახალი მოადგილეები ჰყავს — რა ვიცით მათზე ჯანდაცვის მინისტრს ახალი მოადგილეები ჰყავს — რა ვიცით მათზე
-
-
გადახედვაზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს ზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს
-
-
-
გადახედვაNASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო NASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო
-
-
გადახედვაკობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე კობახიძე: თბილისში 70 ათას მაყურებელზე გათვლილი სტადიონი აშენდება, შევიტანთ განაცხადს 2028 წლის ჩემპიონთა ლიგის ფინალის მასპინძლობაზე
-
გადახედვა25 აპრილს საქართველოში, შესაძლოა, 38 გრადუსი დაფიქსირდეს 25 აპრილს საქართველოში, შესაძლოა, 38 გრადუსი დაფიქსირდეს
-
-
გადახედვაემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა ემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა
კომენტარები