ახალი ზელანდიის პრემიერ-მინისტრი ჯასინდა არდერნი 25 სექტემბერს გაეროს გენერალურ ასამბლეას სამი თვის შვილთან ერთად დაესწრო. ამ ფაქტმა დიდი აჟიოტაჟი გამოიწვია, რადგან არდერნი გახდა პირველი ქალი ლიდერი, რომელიც გენერალურ ასამბლეას ჩვილთან ერთად დაესწრო. ასამბლეის პერიოდში კი შვილს მისმა პარტნიორმა, კლარკ გეიფორდმა მოუარა.

ფოტო: Reuters

ჯასინდა ერთადერთი პოლიტიკოსი დედა არ არის, რომელმაც სამსახურში შვილი მიიყვანა.

დიდი ბრიტანეთის პარლამენტარი ქალი ჯო სვინსონი გახდა პირველი, რომელმაც დებატების დროს თემთა პალატაში ბავშვი მიიყვანა. მაშინ მან იმედოვნა, რომ ეს პარლამენტის მოდერნიზაციისთვის სიგნალი იქნებოდა.

ფოტო: PA

ავსტრალიის პარლამენტის სენატორი ლარისა ვოტერსი იყო პირველი, რომელიც 2017 წელს სიტყვით გამოსვლისას თავის ბავშვს ძუძუთი კვებავდა.

ფოტო: Reuters

ევროპარლამენტარის, ჯუდი გუტელანისა და მისი შვილის ფოტოები ინტერნეტში საკმაოდ პოპულარული 2017 წლის მარტში გახდა. გუტელანის თქმით, როდესაც საჭიროა, მშობლებს ბავშვების სამსახურში მიყვანა უნდა შეეძლოთ.

ფოტო: Reuters

ესპანეთის პარლამენტის წევრი კაროლინა ბესკანსა გააკრიტიკეს, რადგან 2016 წლის იანვარში სხდომათა დარბაზში ბავშვს ძუძუთი კვებავდა. ბევრმა მიიჩნია, რომ ეს საჭირო არ იყო.

ფოტო: EPA

ევროპარლამენტის ყოფილი დეპუტატი და მისი შვილი ვიქტორია პოპულარული გახდნენ მას შემდეგ, რაც სტრასბურგში სხდომებს ერთად ესწრებოდნენ.

ფოტო: Reuters