ლეგენდარული იტალიური მოდის სახლი, რომელიც ჯანი ვერსაჩემ 40 წლის წინ გახსნა, იყიდება. BBC-ის ცნობით, ვერსაჩეს ამერიკული კომპანია მაიკლ კორსი 2 მილიარდ დოლარად ყიდულობს.

ვერსაჩეს ბრენდის 80 პროცენტს ამ დროისთვის ვერსაჩეს ოჯახი ფლობს. მისი არტდირექტორი ჯანის და — დონატელა ვერსაჩეა.

4 წლის წინ, ბრენდის 20% ამერიკულმა კერძო ჯგუფმა Blackstone-მა იყიდა. ოფიციალურ განცხადებას, ჯერჯერობით, არც ბლექსტოუნი და არც ვერსაჩე ავრცელებს. იტალიური მედიის ცნობით, დონატელა ვერსაჩემ თანამშრომლებისთვის შეხვედრა მილანში სამშაბათისთვის დანიშნა.

გასულ წელს, მაიკლ კორსმა ფეხსაცმელის მწარომებელი ბრიტანული ბრენდი ჯიმი ჩუ 1,184 მილიარდ დოლარად შეიძინა.

ჯანი ვერსაჩე 1997 წელს მაიამიში, თავისი სახლის წინ მოკლეს. ის 50 წლის იყო.