ოლიმპიურმა ჩემპიონმა ძალოსნობაში ლაშა ტალახაძემ საქართველოს ჩემპიონატზე მსოფლიო რეკორდი გააუმჯობესა, თუმცა შედეგები მსოფლიო რეკორდად არ ჩაითვლება. როგორც განათლების, მეცნიერების, კულტურისა და სპორტის სამინისტრო განმარტავს, საქართველოს ჩემპიონატი არ შედის ძალოსნობის საერთაშორისო ფედერაციის კალენდარში.

105+ კგ წონით კატეგორიაში საქართველოს ჩემპიონი ლაშა ტალახაძე გახდა. აკვრასა და ორჭიდის ჯამში ტალახაძემ საქართველოს რეკორდი დაამყარა და ამასთანავე, ორი მსოფლიო რეკორდი გააუმჯობესა. აკვრაში ქართველმა ძალოსანმა 264კგ დაძლია და აჯობა ირანელი ჰოსეინ რეზაზადეს მიერ 2004 წელს ნაჩვენებ ისტორიულ შედეგს. ორჭიდის ჯამში ქართველმა ოლიმპიურმა ჩემპიონმა 478კგ დააფიქსირა, რის შედეგადაც გააუმჯობესა მის მიერვე 2017 წელს დამყარებული მსოფლიო რეკორდი.

ქართველ ძალოსანს ახალი რეკორდების დამყარების შესაძლებლობა მსოფლიოს 2018 წლის ჩემპიონატზე ექნება, რომელსაც 1-10 ნოემბერს თურქმენეთის დედაქალაქი აშხაბადი უმასპინძლებს.

ფოტო: განათლების, მეცნიერების, კულტურისა და სპორტის სამინისტრო

ფოტო: განათლების, მეცნიერების, კულტურისა და სპორტის სამინისტრო

ფოტო: განათლების, მეცნიერების, კულტურისა და სპორტის სამინისტრო