სამეფო კარის თამაშების ერთ-ერთმა უდიდესმა ფანგვერდმა, სერიალის 50-მდე პერსონაჟი ევროპის სხვადასხვა ქვეყნებზე გადაანაწილა და ამ სიაში საქართველოც მოხვდა.

ფანგვერდის მონაცემების მიხედვით, დოთრაკიელი ხალ დროგო არც მეტი, არც ნაკლები - საქართველოა.

"შესაძლოა საქართველო ერთ-ერთი ყველაზე პატარა ქვეყანაა, თუმცა არა შეუმჩნეველი. ამ ქვეყანას ნამდვილად მომაჯადოებელი კულტურა აქვს, ზუსტად ისეთი, როგორიც ხალ დროგოს შეესაბამება.

ენა, რომელზეც საქართველოში საუბრობენ, უნიკალურია. ამ ქვეყანას საკუთარი ანბანიც აქვს.

მომხიბლავი ენის გარდა, საქართველო რელიგიურ საკითხებს ძალიან დიდ ყურადღებას აქცევს. ქართველთა უმრავლესობა მართლმადიდებლურ ეკლესიას ეთაყვანება. ასეა დროგოც, მას რწმენასთან დაკავშირებით დიდი და ძლიერი გრძნობები აქვს", - წერს ფანგვერდი.

რაც შეეხებათ სხვა პერსონაჟებს:

არია სტარკი სერბეთია, მელისანდრა - აზერბაიჯანი, ბებია ოლენა კი - სომხეთი. ფანგვერდის აზრით სერსეი ლანისტერი საფრანგეთია, ნედ სტარკი საბერძნეთი გამოდგა, ცივ და გულქვა რუს ბოლტონი კი რუსეთი (ჰმ, რა დამთხვევაა). რაც შეეხება დრაკონების დედოფალს, დეინერის ტარგარიენი ჩვენი მეზობელი თურქეთი აღმოჩნდა.