რესპუბლიკელმა დონალდ ტრამპმა თავისი ბრალდება, რომ ამერიკის პრეზიდენტი და ჰილარი კლინტონი ე.წ. ისლამური სახელმწიფოს დამფუძნებლები არიან, უკან წაიღო.

პრეზიდენტობის კანდიდატმა ტვიტერზე განაცხადა, რომ ამ ბრალდების დროს ის უბრალოდ სარკასტული იყო.

"CNN-ის ახალ ამბებში სერიოზულად იყო აღქმული, ჩემი სიტყვები იმასთან დაკავშირებით, რომ ობამა და კლინტონი ISIS-ის დამფუძნებლები არიან, ნუთუ მათ სარკაზმი არ ესმით?"

ეს პირველი შემთხვევა არაა, რაც დონალდ ტრამპმა თავისი სიტყვები მოგვიანებით სარკაზმს მიაწერა. ივლისის ბოლოს, მან უკან წაიღო თავისი მიმართვა, რომელშიც ამბობდა, რომ კარგი იქნებოდა, თუ რუსეთი ჯაშუშობის გზით მოიპოვებდა ჰილარი კლინტონის წაშლილ იმეილებს.