"ის ისლამური სახელმწიფოს დამფუძნებელია", - ასე მოიხსენია დონალდ ტრამპმა ბარაკ ობამა ფლორიდის შტატში გამართულ წინასაარჩევნო აქციაზე. ინფორმაციას Aljazeera ავრცელებს.

"მისი სახელია ბარაკ ხუსეინ ობამა"- განაცხადა რესპუბლიკელების პრეზიდენტობის კანდიდატმა და ამერიკის პრეზიდენტი ისლამური სახელმწიფოს შექმნაში დაადანაშაულა. გარდა ამისა ტრაპმა განაცხადა, რომ ჰილარი კლინტონი თანამონაწილეა და მასაც მიუძღვის წვლილი ისლამური სახელმწიფოს ჩამოყალიბებაში.

დონალდ ტრამპი აქამდეც ადანაშაულებდა პრეზიდენტ ობამას და ყოფილ სახელმწიფო მდივან ჰილარი კლინტონს, ახლო აღმოსავლეთში შექმნილ კრიზისში.

ალჯაზირას ინფორმაციით, თეთრი სახლი უარს ამბობს კომენტარის გაკეთებაზე, ტრამპის განცხადებასთან დაკავშირებით.