უკრაინის პრეზიდენტმა პეტრო პოროშენკომ ოკუპირებულ ყირიმთან და აღმოსავლეთით, დონბასის რეგიონთან მყოფ ყველა სამხედრო გაერთიანებას საბრძოლო მზადყონისკენ მოუწოდა. ამის შესახებ უკრაინის პრეზიდენტი ტვიტერზე წერს:

რადიო თავისუფლების ინფორმაციით, პრეზიდენტის ბრძანება მას შემდეგ გაიცა, რაც კიევის ინფორმაციით, რუსეთმა უფრო მეტ ჯარს მოუყარა თავი და მეტი თანამედროვე სამხედრო აღჭურვილობა შეიტანა რუსეთის მიერ ოკუპირებულ ყირიმის საზღვართან და უკრაინაში.

უკრაინის პრეზიდენტმა პეტრო პოროშენკომ, ვლადიმერ პუტინის განცხადებას, ყირიმთან დაკავშირებით უპასუხა და თქვა, რომ რუსეთი ომის დასაწყებად რიტორიკას იყენებს.

საქმე ეხება რუსეთის ფედერალური უსაფრთხოების სამსახურის(FSB) ბრალდებას, რომელიც უკრაინულ სპეცრაზმს ყირიმში ტერორისტული აქტის ჩატარების დაგეგმვაში ადანაშაულებს. მათი თქმით, უკრაინულ ძალებთან დაპირისპირებას FSB-ს თანამშრომელი და რუსი ჯარისკაცი ემსხვერპლა.

პოროშენკოს თქმით, FSB-ს განცხადებები სრული ფანტაზიაა:

"რუსეთის განცხადებები, რომ უკრაინამ ტერორისტული შეტევა განახორციელა ოკუპირებულ ყირიმში ცინიკურია და ამით ამტკიცებენ, რომ აღმოსავლეთ უკრაინაში რუსული ჯარები არ არის".

რუსეთმა სამხრეთ უკრაინაში ყირიმის ნახევარკუნძულის ოკუპაცია 2014 წლის მარტში მოახდინა, რის გამოც ამოქმედდა აშშ-სა და ევროპის სანქციები მოსკოვის წინააღმდეგ.