რუსთაველზე დაპირისპირების შემდეგ, პოლიციამ აქციის მონაწილეებს კარვის ნაწილები წაართვა და ტერიტორიიდან გაიტანა. აქციის მონაწილეებმა პოლიცია სტვენით გააცილეს. On.ge ელოდება შინაგან საქმეთა სამინსიტროდან პასუხს კითხვაზე, თუ რატომ არ მისცეს აქციის მონაწილეებს კარვის გაშლის უფლება.

პარლამენტთან მიმდინარე აქციისას ზაზა სარალიძე შეუძლოდ გახდა, ის სასწრაფო სამედიცინო დახმარების მანქანით გადაიყვანეს. ზაზა სარალიძე და მალხაზ მაჩალიკაშვილი მეორე დღეა შიმშილობენ.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

სარალიძეს ცხრა საათზე სპეციალური განცხადება უნდა გაევრცელებინა. წვიმის გამო აქციის მონაწილეები კარვის გაშლას ცდილობდნენ. ადგილზე მყოფმა სამართალდამცავებმა მათ კარვის გაშლის უფლება არ მისცეს, რასაც აქციის მონაწილეებსა და პოლიციას შორის დაპირისპირება მოყვა.

დაპირისპირებისას სარალიძემ სამართალდამცავებს მოკლული შვილის, დათო სარალიძის ფოტო აჩვენა და მოუწოდა გაეთელათ ის ფეხქვეშ. სარალიძის თქმით, მათი საქციელი სწორედ ამას ნიშნავდა.

ფოტო: კადრი ვიდეოდან / On.ge

სამართალდამცავებმა გზა გადაკეტეს. სარალიძე შეუძლოდ გზაზე გადასვლის მცდელობის დროს გახდა.