ჯასტინ კურზელის ახალ ფილმში, Ruin, რომლის პრემიერაც 2019 წელს იგეგმება, ცვლილებებია.

ახლახან ცნობილი გახდა, რომ ფილმში მთავარ როლს გალ გადოტის ნაცვლად I, Tonya-ს ვარსკვლავი, მარგო რობი შეასრულებს.

ფილმის სიუჟეტი მეორე მსოფლიო ომის შემდგომ გერმანიაში განვითარდება, სადაც ჰოლოკოსტს გადარჩენილი ახალგაზრდა ქალი, ელზა ბრეჟენინა შურისძიებას ცდილობს. ამის პარალელურად კი ფაშისტური არმიის კაპიტანი ცდილობს წარსულში ჩადენილი ცოდვები მოინანიოს.

ფილმის გადაღებები პრაღაში წლის ბოლომდე დაიწყება.