იაპონიას ბოლო 25 წლის განმავლობაში ყველაზე დიდი ტაიფუნი ჯები დაატყდა. ქვეყნის ხელისუფლებამ ევაკუაციის შესახებ მილიონზე მეტი ადამიანი გააფრთხილა.

ადგილობრივი მედიის ინფორმაციით, ქვეყნის დასავლეთით სტიქიის შედეგად ერთი ადამიანი გარდაიცვალა, ხოლო რამდენიმე დაშავდა. ტაიფუნის გამო შეფერხებულია სატრანსპორტო მოძრაობა. პოლიციის ინფორმაციით, რამდენიმე ადამიანი დაშავდა კიოტოს სადგურში, როდესაც მინის ჭერის ნაწილი ჩამოიშალა.

მეტეოროლოგიური სააგენტოები მოსახლეობას აფრთხილებენ, რომ სტიქიამ შეიძლება ძლიერი ქარი, მეწყერი და სამხრეთ იაპონიის დატბორვა გამოიწვიოს.