HBO-მ და Brewery Ommegang-მა ახალ კონტრაქტს მოაწერეს ხელი, რომლის თანახმადაც სულ მალე ბაზარზე ახალი ლუდი, King in the North, გამოვა.

ლუდის შთაგონების წყარო სამეფო კარის თამაშების პერსონაჟი, ჯონ სნოუ გახდა, რომლის როლსაც კიტ ჰარინგტონი ასრულებს.

აღსანიშნავია, რომ აქამდე კომპანიამ ე.წ. სამეფო კოლექციის ფარგლებში სამი ლუდი - Hand of the Queen (ტირიონ ლანისტერი), Queen of the Seven Kingdoms (სერსეი ლანისტერი) და Mother of Dragons (დეინერის ტარგარიენი) უკვე გამოუშვა. სნოუს King in the North კი ამ კოლექციის ბოლო, მეოთხე ლუდი იქნება.

სასმელის შეძენა ნოემბერში, Ommegang-ის სპეციალურ მაღაზიებში იქნება შესაძლებელი.