ასპინძაში 6 წლის ბავშვს მანქანა დაეჯახა. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს. როგორც უწყებაში ამბობენ, ბავშვი კონტაქტურ მდგომარეობაში ჯერ ადგილობრივ საავადმყოფოში გადაიყვანეს, ამ დროისთვის კი თბილისში გადაჰყავთ.

შსს-ში ასევე ამბობენ, რომ მძღოლის ბრალეულობა ჯერ არ დამტკიცებულა, შესაბამისად ის დაკავებული არ არის. საქმეზე გამოძიება კი საქართველოს სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.