რა განცხადებებს აკეთებდა ანგელა მერკელი საქართველოს შესახებ
გერმანიის კანცლერი ანგელა მერკელი საქართველოს პირველად ოფიციალური ვიზიტით 10 წლის წინ მიხეილ სააკაშვილის პრეზიდენტობის დროს ეწვია. სხვადასხვა დროს, საკუთარ სასახლეში უმასპინძლა საქართველოს ყოფილ პრემიერ-მინისტრებს: ირაკლი ღარიბაშვილსა და გიორგი კვირიკაშვილს, ასევე საქართველოს პრეზიდენტს გიორგი მარგველაშვილს.
10 წლის შემდეგ ანგელა მერკელი საქართველოს კავკასიური ტურნეს ფარგლებში ორდღიანი ვიზიტით ეწვევა, რომელიც 23 აგვისტოს იწყება.
თავის დროზე ანგელა მერკელს არაერთი განცხადება გაუკეთებია საქართველოსა და მისი ევროატლანტიკური კურსის შესახებ.
4 აპრილი, 2008 წელი
"საქართველოს და უკრაინას უნდა ჰქონდეთ ნატოს წევრობის პერსპექტივები სამომავლოდ, თუმცა ახლა არ არის მათთვის წევრობის სამოქმედო გეგმის (MAP) მინიჭების შესაფერისი დრო", - ამის შესახებ გერმანიის კანცლერმა ანგელა მერკელმა ნატოს სამიტზე დასწრების წინ ბუქარესტში განაცხადა.
მისი თქმით, საქართველოსთვის MAP-ის დრო ჯერ არ მოსულა.
მერკელმა 2008 წლის 10 მარტს განაცხადა, რომ "ქვეყნები, რომლებიც გარემოცული არიან რეგიონალური და შიდა კონფლიქტებით, ნატოს წევრები ვერ გახდებიან".
26 ივნისი, 2008 წელი
გერმანიაში ანგელა მერკელთან ვიზიტით იმყოფებოდა საქართველოს იმდროინდელი პრეზიდენტი მიხეილ სააკაშვილი. შეხვედრაზე საუბარი საქართველოსა და რუსეთის ურთიერთობებს შეეხო.
ბერლინში პრეზიდენტ სააკაშვილთან მოლაპარაკებების შემდეგ გამართულ ერთობლივ პრესკონფერენციაზე მერკელმა განაცხადა, რომ საქართველო ერთ დღესაც გახდება ნატოს წევრი, მაგრამ მას სჭირდება მკაფიო ინსტრუქციები, თუ რა უნდა გააკეთოს იმისათვის, რომ წევრობის კრიტერიუმები შეასრულოს.
მან ასევე განაცხადა, რომ არც ერთ სხვა მხარეს, გარდა თავად განმცხადებელისა და ალიანსისა, არ აქვს სიტყვის უფლება ნატოს წევრობის საკითხის გადაწყვეტისას.
მერკელმა აღნიშნა, რომ გერმანია მხარს უჭერს საქართველოს მიერ ბოლო წლების მანძილზე განხორციელებულ "დინამიკურ კურსს" საშინაო პოლიტიკურ და ეკონომიკურ რეფორმებთან დაკავშირებით, თუმცა მან ასევე მოუწოდა ოპოზიციას ჩაერთოს საპარლამენტო პროცესში.
მერკელმა ასევე განაცხადა, რომ გერმანია იზიარებს საქართველოს წუხილებს რუსეთის ბოლოდროინდელ ქმედებებთან დაკავშირებით აფხაზეთში, თუმცა მოუწოდა საქართველოს თავშეკავებისკენ.
მან ასევე ნათლად მიანიშნა, რომ რუსეთის სამშვიდობო ძალები უნდა დარჩნენ აფხაზეთში, სანამ მათი ალტერნატივა არ მოიძებნება.
"ჩვენ ვიზიარებთ შეშფოთებას რუსეთის მიერ იქ გადადგმული გარკვეული ნაბიჯების გამო. მაგრამ მოვუწოდებთ საქართველოს შეინარჩუნოს მშვიდობა, რადგანაც კონფლიქტის ესკალაცია საკითხის მოგვარებას ნამდვილად არ უწყობს ხელს. ჩვენ მხარს ვუჭერთ საქართველოს ტერიტორიულ მთლიანობას", – იტყობინებიან DPA და "როიტერი" მერკელის სიტყვებზე დაყრდნობით,
მან ასევე აღნიშნა, რომ გერმანიის სურვილია აქტიური როლი ითამაშოს კონფლიქტის მოლაპარაკების გზით მოგვარებაში, რუსეთის მონაწილეობით და იქვე დასძინა, რომ ეს პროცესი არ უნდა გადაიდოს.
15 აგვისტო, 2008 წელი
რუსეთის ზოგიერთი ქმედება საქართველოს მიმართ ”არაპროპორციული” და ”არაგონივრული” იყო, განაცხადა 15 აგვისტოს გერმანიის კანცლერმა ანგელა მერკელმა რუსეთის პრეზიდენტთან დიმიტრი მედვედევთან სოჭში შეხვედრის შემდეგ გამართულ ერთობლივ პრესკონფერენციაზე.
”[რუსული] ჯარები წარმოდგენილი არიან საქართველოს ცენტრალურ რაიონებში, რაც არაგონივრულია,”- განაცხადა მან, ”საჭიროა ექვსპუნქტიანი გეგმის შესრულება და რუსულმა ჯარებმა უნდა დატოვონ საქართველოს ცენტრალური ტერიტორია”.
მან ასევე განაცხადა, რომ სურს უფრო მეტი საერთაშორისო დამკვირვებელი იხილოს რეგიონში.
მერკელმა განაცხადა, რომ კიდევ 15 წელი აღარ უნდა დასჭირდეს კონფლიქტების მოგვარებას და საჭიროა საქართველოს ტერიტორიული მთლიანობის ფარგლებში პოლიტიკური გადაწყვეტილების გამოძებნა.
გერმანიის კანცლერმა ასევე ხაზი გაუსვა, რომ არ გადაიხედება აპრილში ნატოს ბუქარესტის სამიტზე გახმოვანებული პოზიცია საქართველოსა და უკრაინის ალიანსში ინტეგრაციის მხარდაჭერის შესახებ.
”მათ დრო მიეცათ. ისინი იქნებიან წევრები, თუ ეს მათ სურთ და ეს პოზიცია ძალაში დარჩება,”- განაცხადა მან.
გერმანიამ 2008 წლის აპრილში მხარი არ დაუჭირა საქართველოსთვის და უკრაინისთვის ნატოში წევრობის სამოქმედო გეგმის მინიჭებას და ეს საკითხი დეკემბრისთვის გადაიდო.
17 აგვისტო, 2008 წელი
გერმანიის კანცლერი ანგელა მერკელი თბილისში ჩამოვიდა და პრეზიდენტ სააკაშვილთან მოლაპარაკებები გამართა.
თბილისში ვიზიტამდე მერკელი 15 აგვისტოს სოჭს სტუმრობდა, სადაც მოლაპარაკებები გამართა რუსეთის პრეზიდენტთან დიმიტრი მედვედევთან. მერკელმა სოჭში განაცხადა, რომ ზოგიერთ შემთხვევაში რუსეთმა საქართველოს წინააღმდეგ არაპროპორციული ძალა გამოიყენა.
26 აგვისტო, 2008 წელი
გერმანიის კანცლერმა ანგელა მერკელმა ესტონეთში ვიზიტის დროს განაცხადა, რომ რუსეთის გადაწყვეტილება აღიაროს საქართველოს ორი სეპარატისტული რეგიონის დამოუკიდებლობა "სრულიად მიუღებელია".
"ეს გადაწყვეტილება ეწინააღმდეგება ტერიტორიული მთლიანობის ფუნდამენტალურ პრინციპს", – დასძინა მან.
3 ოქტომბერი, 2008 წელი
გერმანიის კანცლერმა ანგელა მერკელმა განაცხადა, რომ ჯერ ადრეა საქართველოსთვის და უკრაინისთვის ნატოში წევრობის სამოქმედო გეგმის (MAP) მინიჭება, იუწყება AFP.
"პოზიცია იმის შესახებ, რომ რაც შეიძლება სწრაფად მიიღონ წევრობა, ეს არაა გერმანიის პოზიცია", - განაცხადა მან 2 ოქტომბერს სანკტ-პეტერბურგში რუსეთის პრეზიდენტთან დიმიტრი მედვედევთან გამართული შეხვედრის შემდეგ.
გერმანიის კანცლერის თქმით, ნატოს დეკემბრის მინისტერიალი "წინასწარ შეფასებას მისცემს MAP-ისკენ მიმავალ გზას".
აპრილის ბუქარესტის სამიტზე ნატოს წევრებმა აღნიშნეს, რომ საქართველო და უკრაინა გახდებიან ნატოს წევრები და განაცხადეს, რომ MAP-ის საკითხს მინისტერიალი დეკემბერში ისევ დაუბრუნდება. ბუქარესტში ამ ქვეყნებისთვის MAP-ის მინიჭებას ღიად ეწინააღმდეგებოდა გერმანია.
"გერმანიის პოზიცია არ შეცვლილა ბუქარესტის სამიტის შემდეგ", - აღნიშნა მერკელმა.
3 ივნისი, 2014 წელი
საქართველოს პრემიერ–მინისტრთან ირაკლი ღარიბაშვილთან 2 ივნისს ბერლინში გამართული შეხვედრის შემდეგ გერმანიის კანცლერი ანგელა მერკელი მიესალმა საქართველოს ევროკავშირში ინტეგრაციის კურსს იმ "პრაგმატულ" პოლიტიკასთან ერთად, რომელსაც თბილისი მოსკოვთან ურთიერთობების ნორმალიზების კუთხით ახორციელებს და ასევე აღნიშნა საქართველოს ხელისუფლების ძალისხმევა ქვეყანაში საინვესტიციო პირობების გაუმჯობესების თაობაზე.
თუმცა, მერკელმა ასევე განაცხადა, რომ ის არ ფიქრობს, რომ ნატოს უელსის სამიტის დღის წესრიგში საქართველოსთვის წევრობის სამოქმედო გეგმის (MAP) მინიჭების საკითხი შევა.
"ჩვენს ქვეყნებს ძალიან კარგი, მეგობრული ურთიერთობები აქვთ და ჩვენ მოხარული ვართ, რომ საქართველო ევროკავშირს უახლოვდება, რაც [27 ივნისს] ასოცირების შესახებ შეთანხმების ხელმოწერით დადასტურდება. მეორე მხრივ, ასევე ვხედავთ, რომ საქართველომ დიდი ძალისხმევა მიმართა რუსეთთან ურთიერთობების ნაბიჯ–ნაბიჯ განვითარებისკენ", – განაცხადა მერკელმა.
მისი თქმით, საქართველოს მაგალითი, რომ მისდიოს ევროკავშირში ინტეგრაციას და ამავე დროს შეეცადოს რუსეთთან უკეთესი ურთიერთობების დამყარებას, იმის მაჩვენებელია, რომ საქმე არ გვაქვს "ან ის ან ეს" არჩევანთან.
მერკელმა ასევე განაცხადა: "მე მხარს ვუჭერ საქართველოს ძალიან პრაგმატულ მიდგომას რუსეთთან ურთიერთობებში".
ორმხრივ ურთიერთობებთან დაკავშირებით მან განაცხადა, რომ მეტი უნდა გაკეთდეს ეკონომიკური ურთიერთობების განვითარებისთვის და დასძინა, რომ გერმანია მოუწოდებს თავის კომპანიებს, რომ საინვესტიციო შესაძლებლობები ეძიონ საქართველოში.
"საქართველოს ამისთვის ძალიან კარგი პირობები აქვს", – განაცხადა მერკელმა და დასძინა, რომ საქართველოსთან დაკავშირებით "არასტაბილურობის" შეგრძნებაა აფხაზეთის და სამხრეთ ოსეთის კონფლიქტების გამო, რაც, მისი თქმით, ინვესტიციებისთვის შემაფერხებელი ფაქტორებია.
"ჩვენ მკაფიოდ უნდა აღვნიშნოთ, რომ საქართველოს ამჟამინდელი ხელისუფლება აუმჯობესებს ქვეყნის სანდოობას, მათ შორის მის სამართლებრივ სისტემას", – განაცხადა გერმანიის კანცლერმა.
15 ივნისი, 2016 წელი
ბოლო შეხვედრა საქართველოს პირველ პირთან ანგელა მერკელს 2016 წელს ჰქონდა. ის შეხვდა საქართველოს ყოფილ პრემიერ-მინისტრს გიორგი კვირიკაშვილს და ალიანსში გასაწევრიანებლად საქართველოს მიერ გადადგმული ნაბიჯები დადებითად https://civil.ge/შეაფასა.
ასევე მოიწონა რუსეთის აგრესიის წინააღმდეგ მიმართული ქმედებები.
გერმანია მხარს უჭერს საქართველოს ტერიტორიულ მთლიანობას და ამაში მოვიაზრებთ, რა თქმა უნდა, აფხაზეთსა და სამხრეთ ოსეთს. საქართველომ დიდ წარმატებას მიაღწია, მაგრამ არ არის ევროკავშირში გაწევრიანების კანდიდატი", - განაცხადა ანგელა მერკელმა.
გერმანიის კანცლერის ვიზიტის სრული განრიგი იხილეთ აქ.
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
-
გადახედვაპოლიციამ გმირთა მოედანზე, რამდენიმე წუთის წინ, სამი ადამიანი დააკავა პოლიციამ გმირთა მოედანზე, რამდენიმე წუთის წინ, სამი ადამიანი დააკავა
-
გადახედვაჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი ჩაკვეტაძე: არაფერი არ დგას ჩვენს ხალხზე მაღლა, გაიწვიეთ ეს კანონი
-
გადახედვაპოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ პოლიცია ცდილობს, გმირთა მოედანზე მოძრაობა გახსნას — სამართალდამცველები აქციის მონაწილეების მიმართ ძალას იყენებენ
კომენტარები