"უკვე არის ნათქვამი და ცოტა ჟურნალისტებმაც ტვინი გაანძრიეთ და ჩაიხედეთ სად არის ნათქვამი", - ასე მიმართა საქართველოს პრეზიდენტობის კანდიდატმა, სალომე ზურაბიშვილმა ჟურნალისტებს, რომლებმაც კითხვა დაუსვეს.

კითხვა საპრეზიდენტო რეზიდენციის შეცვლასთან დაკავშირებით იყო დასმული. ამ საკითხზე ზურაბიშვილმა რამდენიმე დღის წინ ტელეკომპანია იმედის ეთერში ისაუბრა.

სალომე ზურაბიშვილის ამ რეპლიკას იქვე მდგომი რუსთავი 2-ის ჟურნალისტი გამოეხმაურა.

"ძალიან გთხოვთ, ჟურნალისტებს ასე ნუ დაგველაპარაკებით. არასწორია, როცა ჟურნალისტებს გვეუბნებით: "ცოტა ტვინი გაანძრიეთ", საპრეზიდენტო კანდიდატი ბრძანდებით", - უთხრა ჟურნალისტმა საპრეზიდენტო კანდიდატს. ზურაბიშვილი კი ამ შენიშვნას დაეთანხმა.