ტურინის იუვენტუსის მთავარმა მწვრთნელმა მასიმილიანო ალეგრიმ არაპირდაპირ დაადასტურა, რომ ამ სატრანსფერო ფანჯრის დროს ისინი მეტ ფეხბურთელს აღარ დაიმატებენ.

ტურინელებმა უკვე მოასწრეს ისეთი ფეხბურთელების შეძენა, როგორებიც კრიშტიანუ რონალდუ, ლეონარდო ბონუჩი და ჟოაო კანსელო არიან. სწორედ ამიტომ თვლის ალეგრი, რომ გუნდი უკვე საკმაოდ გაძლიერდა.

"კლუბმა ის გააკეთა, რაც უნდა გაეკეთებინა. [...] მორიგი ტრანსფერები? ჩვენ უკვე საკმაოდ ძლიერი გუნდი გვყავს".

"რონალდუს მწვრთნელობა ძალიან სასიამოვნოა, იგი მესისთან ერთად საუკეთესოა მსოფლიოში. ბონუჩის მოსვლის შემდეგ ორ პოზიციაზე ხუთი ფეხბურთელი გვყავს. [...] მძიმე სეზონი გველის, ასე რომ, ყველა ფეხბურთელი დაგვჭირდება. ახალგაზრდებმა აშშ-ში თავი კარგად წარმოაჩინეს, ასე რომ, მათთვისაც მოიძებნება ადგილი", - აღნიშნა ალეგრიმ.

სერია ა-ში სეზონის პირველ მატჩს იუვენტუსი კიევოს წინააღმდეგ 18 აგვისტოს გამართავს.