ყოფილმა მთავარმა პროკურორმა, ირაკლი შოთაძემ დღეს, 3 აგვისტოს საგამოძიებო კომისიის წევრებს უთხრა, რომ გადადგომისას, მისი უპირველესი გზავნილი იყო ის, რომ არცერთ პროკურორს არავისთვის ხელი არ დაუფარებია:

"როდესაც დგები ფაქტის წინაშე და უწყებას, რომელსაც ხელმძღვანელობ, უყენებენ კონკრეტულ ბრალდებებს და შენ როდესაც ცდილობ გაარკვიო ეს ბრალდებები და არკვევ, რომ ეს ასე არ არის. მიუხედავად ამისა, ეს საზოგადოებაში მაინც დიდ უკმაყოფილებას იწვევს, შესაბამისად, შენ არანაირი უფლება არ გაქვს... ამ შემთხვევაში უწყებაში როცა არავინ არ არის დამნაშავე... ამ შემთხვევაში, ჩემი ძირითადი მოტივატორი იყო საქართველოს პროკურატურა. იმ პერიოდში, მე სიბინძურეს დავარქმევდი, რაც ჩვენს მიმართ ხდებოდა. მე ამას შევაფასებდი, პოლიტიკურ ანგარიშსწორებად. პოლიტიკურმა ძალებმა ოჯახების ტრაგედია გამოიყენეს".

31 მაისს ირაკლი შოთაძის გადადგომას ხორავას ქუჩაზე მოკლული დავით სარალიძის მამა, ზაზა სარალიძე ითხოვდა. მას შემდეგ, რაც თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს მუხლი შეუცვალა სარალიძემ პროკურატურასთან აქცია გამართა.

მოგვიანებით საპროტესტო აქციებმა საპროტესტო აქციებთან გადაინაცვლა. მონაწილეები ითხოვდნენ ყველა იმ პირის დასჯას, რომლებიც, მათი აზრით, ხორავას ქუჩის საქმის ფალსიფიცირებაში მონაწილეობდნენ. მათივე თქმით, მთავარი პროკურორის ირაკლი შოთაძის გადადგომა არაფერს ნიშნავს.