უზენაესმა სასამართლომ დეკანოზი გიორგი მამალაძის საქმე წარმოებაში არ მიიღო. როგორც დეკანოზის ადვოკატი გიორგი ფანცულაია ფეისბუქზე წერს, ისინი სტრასბურგის ადამიანის უფლებათა საერთაშორისო სასამართლოს მიმართავენ.

On.ge-ს უზენაესი სასამართლოს პრესსამსახურში უთხრეს, ამასთან დაკავშირებით განმარტებას ისინი მოგვიანებით გაავრცელებენ.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა.

ე.წ. ციანიდის საქმე სააპელაციოში დახურულ სხდომებზე განიხილებოდა.დახურული სხდომა ნიშნავს, რომ საქმეში მონაწილე პირების, ან მათი წარმომადგენლების გარდა სხდომებს ვერავინ დაესწრო.

ამავე თემაზე: