პარლამენტის დამოუკიდებელმა დეპუტატმა, სალომე ზურაბიშვილმა ჟურნალისტებს ფეისბუქის საკუთარ გვერდზე უპასუხა და დაწერა, რომ ყველა კითხვას გასცემს პასუხს ერთ კვირაში:

"ყველას დიდი მადლობა მოთმინებისთვის. ჟურნალისტები არ მიწყენენ, რომ ეს ერთი კვირა გადავერთე ოჯახურ საქმეზე და ერთ კვირაში კი უკვე თქვენი ვიქნები... და კითხვებზე გავცემ პასუხებს... "ცოტა კიდევ მოითმინე, გულო"...".

მიმდინარეობს თუ არა მოლაპარაკებები საპრეზიდენტო კანდიდატად წარდგენაზე? - ამ და სხვა კითხვებზე დღეს სალომე ზურაბიშვილმა ჟურნალისტებს არ უპასუხა. მანამდე პარტია ქართული ოცნების წევრმა, ეკა ბესელიმ თქვა, რომ ზურაბიშვილი საფრანგეთის მოქალაქეობაზე უარს ამბობს.

ეკა ბესელიამ გუშინ, 30 ივლისს აღნიშნა ისიც, რომ ქართული ოცნება მას შემდეგ დაასახელებს საპრეზიდენტო კანდიდატს, რაც ყველა სხვა კანდიდატი გახდება ცნობილი. მისივე თქმით, მას მოსწონს იდეა, რომ საპრეზიდენტოდ დამოუკიდებელი ქალი კანდიდატი დასახელდეს.