სტატისტიკის ეროვნული სამსახურის მონაცემებით, 2018 წლის იანვარ-ივნისში მშენებლობაზე გაცემული ნებართვების 72,4% ქვეყნის სამ რეგიონზე მოდის:

  • თბილისი - 46,8%;
  • აჭარა - 14,3%;
  • ქვემო ქართლი - 11,3%.

საქსტატის ინფორმაციით, საქართველოს მასშტაბით სულ გაცემულია 4 941 ნებართვა, რაც წინა წლის შესაბამის პერიოდთან შედარებით 1,4 პროცენტით ნაკლებია. ამასთან მშენებლობის ნებართვები გაცემულია 2995.9 ათასი მ2 ფართობის შენობა-ნაგებობების მშენებლობაზე, რაც წინა წლის შესაბამის პერიოდთან შედარებით 4,8 პროცენტით მეტია.

სტატისტიკის თანახმად, 2018 წლის იანვარ-ივნისში ნებართვები გასცეს მრავალფუნქციური საცხოვრებელი კომპლექსების, სასტუმროების, სავაჭრო ობიექტების, სამრეწველო საწარმოების, სასოფლო-სამეურნეო დანიშნულების ობიექტებისა და სხვა შენობა - ნაგებობების მშენებლობაზე.

გაცემულ ნებართვებში შედარებით დიდი წილითაა წარმოდგენილი მრავალფუნქციური საცხოვრებელი კომპლექსები.

დამთავრებული მშენებლობების ნახევარზე მეტი მოდის ქვეყნის სამ რეგიონზე:

  • თბილისი - 29,3%;
  • კახეთი - 16,3%;
  • ქვემო ქართლი - 11%.