აშშ-ის პრეზიდენტი დონალდ ტრამპი დაიმუქრა, რომ მთავრობის მუშაობის შეჩერება შეუძლია თუ კონგრესში დემოკრატები საიმიგრაციო პოლიტიკასა და მექსიკის საზღვარზე კედლის მშენებლობას არ დაუჭერენ მხარს.

სექტემბერში კონგრესის მიერ მთავრობის დაფინანსების ბიუჯეტს ვადა გასდის და თუ კონგრესი შეთანხმებას ვერ მიაღწევს მთავრობა მუშაობას შეწყვეტს.

"მე უფრო მთავრობის მუშაობას შევაჩერებდი, თუ დემოკრატები მხარს არ დაუჭერენ საზღვრის უსაფრთხოებას, რომელიც [მექსიკის] კედელსაც გულისხმობს! უნდა გავთავისუფლდეთ გათამაშებისგან, დავიჭირე და გავათავისუფლე პრაქტიკისგან და სხვა. და საბოლოოდ უნდა გადავიდეთ საიმიგრაციო სისტემაზე, რომელიც დაფუძნებულია დამსახურებაზე! ჩვენ გვჭირდება დიდებული ადამიანები, რომლებიც ჩვენს ქვეყანაში ჩამოვლენ", - დატვიტა დონალდ ტრამპმა.

ამ წლის დასაწყისში ამერიკული მთავრობა რამდენიმე დღით უკვე იყო გაჩერებული, რადგან კონგრესში მისი დაფინანსების გახანგრძლივებაზე ვერ შეთანხმდნენ. მიზეზი კი საიმიგრაციო პოლიტიკის გარშემო არსებული უთანხმოება გახდა.