31 მარტს ტესლა მოტორსის აღმასრულებელმა დირექტორმა, ელონ მასკმა საზოგადოებას ელექტრო მანქანის ახალი მოდელი Model 3 წარუდგინა.

Model 3-ის მასობრივი წარმოება 2017 წლიდან დაიწყება და დამატებითი აღჭურვილობების გარეშე $35 ათასი ეღირება.

ტესლა მოტორსი სწრაფ მანქანებს აწარმოებს და ამ მხრივ გამონაკლისი არც ახალი მოდელია, Model 3-ს 6 წამში 0-დან 60 კმ./სთ. განვითარება შეუძლია.

ერთი დატენვით მანქანას 346 კილომეტრის გავლა შეუძლია.

როგორც ტესლა მოტორსში ამბობენ, ახალი მანქანა ერთ-ერთი ყველაზე უსაფრთხო ტრანსპორტი იქნება, მას შემდეგ რაც მისი ტესტირება და შესაბამისი აღჭურვილობის დამონტაჟება დასრულდება.

კომპანია წელიწადში 500 ათასი Model 3-ის გამოშვებას გეგმავს.

თუმცა, მას შემდეგ რაც პრეზენტაციიდან 3 დღეში ტესლა მოტორსში 276 ათასი წინასწარი შეკვეთა და ათას დოლარიანი დეპოზიტები შევიდა, კომპანიის აღმასრულებელმა დირექტორმა, ელონ მასკმა, ტვიტერზე დაწერა, რომ წარმოების გეგმის გადახედვა მოუწევთ.