შინაგან საქმეთა სამინისტროს ინფორმაციით, უწყების თანამშრომლებმა ქუთაისის საერთაშორისო აეროპორტში დააკავეს პირი, რომელსაც საქართველოში დიდი ოდენობით ნარკოტიკული საშუალებები შემოჰქონდა.

"სამართალდამცველებმა დაკავებულის პირადი ჩხრეკისას ნარკოტიკული საშუალება ბუპრენორფინის შემცველი სუბოტექსის 40 აბი ნივთმტკიცებად ამოიღეს", - აცხადებენ შსს-ში.

საქმეზე გამოძიება სისხლის სამართლის კოდექსის 260-ე და 262-ე მუხლებით მიმდინარეობს. ამ მუხლებით 15-დან 20 წლამდე, ან უვადო პატიმრობაა გათვალისწინებული.