უკვე ორ წელზე მეტია Google-ში ინჟინრების პატარა გუნდი ახალ პროექტზე მუშაობს. ისინი ქმნიან ახალ ოპერაციულ სისტემას, რომელმაც წესით ანდროიდი უნდა ჩაანაცვლოს.

ახალი ოპერაციული სისტემის მთავარი იდეა გამაერთიანებელი პლატფორმის შექმნაა, რომელიც ერთნაირად მუშაობს და გამოიყურება ყველა ტიპის ტექნიკაზე: იქნება ეს ტელეფონი, ლეპტოპი, ჭკვიანი სპიკერი თუ მინიატურული სენსორი.

ქრომისა და ანდროიდის ამჟამინდელი შეზღუდვები კომპანიის გეგმებს ხელს უშლის. მომავალი კი სახლის მოწყობილობებისა და ხმით კონტროლებადი ხელოვნური ინტელექტისაა.

Fuschia-ს კიდევ ერთი უპირატესობა ისაა, რომ უსაფრთხოების პარამეტრების მასზე მორგება მომხმარებლისთვის მარტივი იქნება, თანაც დიდი ოდენობით პირადი ინფორმაციის გადაცემის გარეშე.

გეგმის მიხედვით, სახლის სპიკერებზე Fuschia უახლოეს სამ წელში უნდა დაინერგოს, ამის შემდეგ კი სისტემის ლეპტოპებზე მორგება დაიწყება.

თუ გავითვალისწინებთ, რომ ამჟამად მთელი მსოფლიოს სმარტფონების 75% ანდროიდზე მუშაობს, გადაწყობა ხანგრძლივი და რთული იქნება.

"ანდროიდისგან უკან დახევა გუგლს საშუალებას მისცემს, ათიოდე წლის წინ დაშვებული შეცდომები უბრალოდ დაივიწყოს", - წერს Bloomberg.