თურქეთის მთავრობამ ორწლიანი საგანგებო მდგომარეობა დაასრულა. ამის შესახებ ინფორმაციას BBC ავრცელებს.

საგანგებო რეჟიმის დასრულების გადაწყვეტილება ხელისუფლებამ მას შემდეგ მიიღო, რაც რეჯეპ ტაიპ ერდოღანი ისევ თურქეთის პრეზიდენტად აირჩიეს. საარჩევნო კამპანიის დროს ოპოზიტიური კანდიდატები ამბობდნენ, რომ გამარჯვების შემთხვევაში პირველად, საგანგებო რეჟიმს დასრულებდნენ.

2016 წლის შემდეგ საგანგებო მგდომარეობა თურქეთის ტერიტორიაზე სულ 7-ჯერ გახანგრძლივდა.

მისი მოქმედების დროს თურქეთში დაკავებული იყო 230 ათასზე მეტი ადამიანი, სამსახურიდან დაითხოვეს 120 ათასი სახელმწიფო მოხელე და დაიხურა 150-მდე მედია საშუალება.

თურქეთში საგანგებო მდგომარეობა სამხედრო გადატრიალების მცდელობის შემდეგ გამოცხადდა.