ოდესმე გქონიათ შემთხვევა, როდესაც დაგვიწყებიათ სად დააყენეთ თქვენი მანქანა? - მე კი. ნუ იტყვით რომ არა.

წარმოიდგინეთ უდიდესი სავაჭრო ცენტრი, რომელსაც დიდი ავტოსადგომი აქვს, თქვენ კი ერთი ციცქნა ადამიანი, ავტომობილების ჯარში, ძლივს პოულობთ გასაჩერებელ ადგილს. შემდეგ მიდიხართ საყიდლებზე, ბრუნდებით და ჰოი საოცრებავ, მანქანას ვეღარ პოულობთ.

არაუშავს!

ასეთი შემთხვევებისგან თავის ასარიდებლად უკვე არსებობს გამოსავალი და მას GPS ჰქვია. თუმცა, ალბათ დამეთანხმებით, კარგი და გამართული აპარატურის შეძენა ძვირი სიამოვნებაა, თანაც მისი დაყენება პროფესიონალის დახმარების გარეშე ფაქტობრივად წარმოუდგენელია.

კიდევ ერთხელ არაუშავს!

თქვენთვის კარგი ამბავი გვაქვს. არავისთვის არ არის ახალი, რომ ტექნოლოგიები ყოველდღიურად ვითარდება და ადამიანები ისეთ მოწყობილობებს ქმნიან, რომლებიც ჩვენს ნაცვლად წყვეტენ ყველანაირ პრობლემას. სწორედ ერთ-ერთი მათგანია ახალი, ინოვაციური მოწყობილობა-აპლიკაცია, რომელიც თქვენს ავტომობილს, და არამარტო მას, სხვა ნებისმიერ ნივთსაც, თქვენს ტელეფონში გადმოიტანს.

რა ნივთია ეს და როგორ მუშაობს?

ალბათ ამ ნივთის აღმოჩენა ყველაზე მეტად მამებს და დედებს გაახარებთ. მას TrackR ჰქვია და მისი საშუალებით შეგიძლიათ ყველა და ყველაფერი აკონტროლოთ.

პირველ რიგში ეს მოწყობილობა უნდა შეიძინოთ, რომელიც სულ რაღაც 29 დოლარი ღირს.

ამის შემდეგ გადმოწეროთ უფასო აპლიკაცია, განურჩევლად მობილური ტელეფონის მოდელისა, პროცესორისა, სისტემისა, სქესისა, რასისა, რელიგიური მრწამსისა და ა.შ. ხოლო შემდეგ, აპლიკაციის ჩართვისას, მობილური ტელეფონის ეკრანზე გამოჩნდება ნივთის დასახელება და მისი ადგილსამყოფელი.

თქვენმა შვილმა გითხრათ, რომ კინოში მიდიოდა, მაგრამ ამ დროს კლუბში წაბრძანდა? ან მანქანა უბანში სასეირნოდ გთხოვათ და ამ დროს ტრასაზე თავქუდმოგლეჯილი დაატარებს თქვენს ავტომობილს? - ვერ მივართვით! თქვენ შეგიძლიათ ეს მოწყობილობა ჩაუგდოთ ჩანთაში, ჩამოკიდოთ გასაღებზე ან თუნდაც მიამაგროთ ტანსაცმელზე და ის ქალბატონი ან ვაჟბატონი, ვერასოდეს ვეღარ მოგატყუებთ!

ჩემმა მეგობარმა მესამედ დაკარგა ძაღლი. კი ბატონო, ყველა ვთანხმდებით რომ მას ძაღლი აღარასდროს უნდა ჰყავდეს, მაგრამ თუ მაინც ძალიან უნდა? არ არის პრობლემა, ამიერიდან მას შეუძლია ეს მოწყობილობა საყელურზე დაუმაგროს და ის არასოდეს აღარ დაკარგავს ჯეკას, ჯენას, ჩარლის და ა.შ. (ცხადია, თუ ტელეფონსაც არ დაკარგავს).

სად შეიძლება მისი შეძენა?

ეს პროდუქტი საქართველოში ჯერ-ჯერობით არ იყიდება, თუმცა გლობალიზაციამ მოიტანა ის, რომ თქვენ, ნებისმიერი სხვა ნივთის მსგავსად, შეგიძლიათ TrackR გამოიწეროთ. ამისათვის დააკლიკეთ აქ.

იმისათვის რომ ნახოთ როგორ ხდება ამ ნივთის პრაქტიკაში გამოყენება, გთხოვთ უყუროთ ვიდეოს.

აბა თქვენ იცით, იმედია აწი აღარაფერს დაკარგავთ.