თავდაცვის ახალმა მინისტრმა, ლევან იზორიამ პრემიერმინისტრს, გიორგი კვირიკაშვილს წარდგენისთვის მადლობა გადაუხადა და განაცხადა, რომ მისი საქმიანობა შემდეგი 2 საკითხისკენ იქნება მიმართული:

"პირველ რიგში ჩვენ გავაგრძელებთ ევროატლანტიკურ ინტეგრაციას და ამ ინტეგრაციის გზაზე თავდაცვის უწყებაში მნიშვნელოვანი რეფორმების განხორციელებას. მეორე მნიშვნელოვანი ფაქტორი, რისი თქმაც მსურდა, ახლო წარსულში ხელი მოეწერა მემორანდუმს, ამერიკის შეერთებულ შტატებსა და საქართველოს შორის და ამ მემორანდუმით გათვალისწინებულ, მნიშვნელოვან რეფორმებს რომელიც უკავშირდება, ჩვენი ქვეყნის თავდაცვისუნარიანობის გაძლიერებას, ევროატლანტიკურ სტრუქტურებში ჩვენი თავდაცვის უწყების და ქვეყნის ინტეგრაციას, ბუნებრივია ამ ნაკისრ ვალდებულებებს ღირსეულად შევასრულებთ".

მას შემდეგ, რაც დღეს რესპუბლიკელმა მინისტრებმა თანამდებობები ოფიციალურად დატოვეს, პრემიერმინსიტრმა ახალი მინისტრები წარადგინა. მისი თქმით, თავდაცვის მინისტრის პოსტზე თინა ხიდაშელს ლევან იზორია, ხოლო შერიგების საკითხებში სახელმწიფო მინისტრის პოსტზე პაატა ზაქარეიშვილს ქეთევან ციხელაშვილი შეცვლის.

ციხელაშვილი აქამდე სახელმწიფო მინისტრის მოადგილის პოსტს იკავებდა. ლევან იზორია კი სახელმწიფო უსაფრთხოების სამსახურის (სუს) უფროსის მოადგილე იყო.

კვირიკაშვილმა თავდაცვისა და შერიგების ახალი მინისტრები წარადგინა