როგორც უკვე იცით, ემის ისტორიაში ყველაზე მეტჯერ ნომინირებული სერიალის, სამეფო კარის თამაშების ფინალური სეზონის გადაღებები ოფიციალურად დასრულდა.

ახლა მსოფლიო სულმოუთქმელად ელის 2019 წელს, რათა HBO-ს საკულტო შოუს ბოლო სეზონი ნახოს და გაიგოს თუ ვის დარჩება საბოლოოდ რკინის ტახტი.

მანამ სანამ სერიალი დღის სინათლეს იხილავს, ცნობილი გახდა, რომ არხმა ყველაზე მასშტაბური შოუს გადაღებებში იმაზე ორჯერ მეტი თანხა გადაიხადა, ვიდრე ამას წინა სეზონში აკეთებდა.

თანხის ზრდის მიზეზი გახდა ის ბატალური სცენები, რომლებსაც სერიალის ფინალში ვიხილავთ. ამ კონკრეტული ეპიზოდის გადაღებები 55 დღე გრძელდებოდა.

გარდა ამისა, გასათვალისწინებელია მსახიობების ანაზღაურებაც. როგორც იცით GOT-ის მსახიობები ტელევიზიის ისტორიაში ყველაზე მაღალანაზღაურებადი მსახიობები გახდნენ. ლინა ჰიდი, პიტერ დინკლეიჯი, ემილია კლარკი, კიტ ჰარინგტონი და ნიკოლაი კოსტერ-ვალდაუ HBO-სთან გაფორმებული ახალი კონტრაქტის მიხედვით სერიალის თითო ეპიზოდში $2,5 მილიონს მიიღებენ.