UFC-ის მსუბუქი წონის უკვე ყოფილმა ჩემპიონმა კონორ მაკგრეგორმა რუსეთის პრეზიდენტ ვლადიმერ პუტინს თანამედროვეობის ერთ-ერთი საუკეთესო ლიდერი უწოდა.

"დღეს მსოფლიო ჩემპიონატის ფინალზე დასასწრებად ვლადიმერ პუტინის სტუმრის სტატუსით მომიწვიეს. პუტინი ჩვენი დროის ერთ-ერთი საუკეთესო ლიდერია და ჩემთვის პატივია, ასეთ ღონისძიებაზე მასთან ვიდგე. მადლობა ამ პატივისთვის ბატონო პუტინ, მადლობა და გილოცავ მსოფლიო ჩემპიონატის ასე კარგად მასპინძლობას. რუსეთო, წინ!", - დაწერა ინსტაგრამის საკუთარ გვერდზე მაკგრეგორმა.

ირლანდიელი მებრძოლის ამ განცხადებას ინტერნეტში არაერთი უარყოფითი შეფასება მოჰყვა.