მიჩიგანის უნივერსიტეტის მეცნიერებმა მხედველობა დაქვეითებული მკითხველებისთვის პნევმატური ტაბლეტი შექმნეს, რომელიც ეკრანზე პნევმატურ ბუშტებს წარმოქმნის და ბრაილის შრიფტს გამოსახავს.

ამჟამად არსებული ტექნოლოგიის დახმარებით, ბრაილის შრიფტის მცოდნე ადამიანებს კომპიუტერების ეკრანებზე გამოსახული ტექსტების კითხვა მექანიკური დისპლეის საშუალებით შეუძლიათ, თუმცა ეს მექანიზმი თითო-თითო ხაზს სახავს და კითხვა არაკომფორტულია.

არსებული მოწყობილობები ძვირია და $3 ათასიდან $55 ათასამდე ღირს.

მიჩიგანის უნივერსიტეტის გუნდის შექმნილი პროტოტიპი კი მხოლოდ ათასი დოლარი ეღირება და მკითხველს მთელს ეკრანზე გვერდს გამოუსახავს ბრაილის შრიფტით.