დიდ ბრიტანეთში აშშ-ის პრეზიდენტის, დონალდ ტრამპის ვიზიტის პარალელურად ლონდონის თავზე "პატარა ტრამპის" გიგანტური ბუშტი დაფრინავს.

დონალ ტრამპის გამოსახულებიანი ექვსმეტრიანი ბუშტი პარლამენტის შენობის წინ ორი საათის განმავლობაში იფრენს. ბუშტზე ტრამპი გაბრაზებული სახითაა გამოსახული, აქვს მოკლე ხელები, აცვია ბავშვის საფენი და მარჯვენა ხელში მობილური ტელეფონი უჭირავს.

როგორც ერთ-ერთმა ორგანიზატორმა CNN-ს უთხრა, გიგანტური ბუშტი შეიქმნა იმისთვის, რომ ტრამპთან ელაპარაკათ იმ ენაზე, რომელიც მას ესმის. ლონდონის მოსახლეობა ბრიტანეთში დონალდ ტრამპის ვიზიტს აპროტესტებს. პარლამენტის შეკრებილი ადამიანები ამბობენ, რომ ტრამპი სასურველი სტუმარი არ არის.

ტრამპის გიგანტური ბუშტის გასაშვებად პეტიციას 10 ათასმა ადამიანმა მოაწერა ხელი. ბუშტის გაშვება არ გაუპროტესტებია ლონდონის მერს, სადიქ ხანს. ტრამპის ვიზიტს არ მიესალმება თვითონ სადიქ ხანიც. მან აშშ-ის პრეზიდენტი ლონდონის ტერაქტზე ტვიტების გამო გააკრიტიკა.

19 ათასზე მეტმა ადამიანმა ბუშტის კამპანიისთვის 30 ათასამდე ფუნტი სტერლინგი (40 ათასი დოლარი) შეაგროვა. ორგანიზატორები იმედოვნებენ, რომ ბუშტი ტრამპს დიპლომატიურ შეხვედრებზე "მსოფლიო ტურნეშიც" გაყვება.

ფოტო: Brian Klaas

ფოტო: Mirror

ფოტო: Reuters