საქართველოს შინაგან საქმეთა მინისტრის მოადგილის ნათია მეზვრიშვილის განცხადებით, ოჯახური ძალადობის ჩადენის გამო, შსს-ს ექვს თანამშრომელს დისციპლინური სახდელი დაეკისრა, სამსახურიდან კი მათგან მხოლოდ სამი გათავისუფლდა.

"სამი თანამშრომლის მიმართ გამოყენებულია დისციპლინური პასუხისმგებლობის ყველაზე მკაცრი ზომა და ეს თანამშრომლები დათხოვილები არიან შინაგან საქმეთა სამინისტროს რიგებიდან", - განაცხადა ნათია მეზვრიშვილმა.

გარდა ამისა, ნათია მეზვრიშვილის განცხადებით, 2018 წელს გენერალური ინსპექციის მიერ ოჯახში ძალადობასთან დაკავშირებით ჩატარებული სამსახურებრივი შემოწმების საფუძველზე, დისციპლინური სახდელი პოლიციის 10 მოსამსახურეს დაეკისრა. კერძოდ, ოჯახურ დანაშაულზე არასათანადო რეაგირების გამო დისციპლინური სახდელი დაეკისრა პოლიციის 4 თანამშრომელს.