დღეს სამმა ქართულმა ბენდმა, Kung Fu Junkie-მ, Young Georgian Lolitaz-მა და Backwarmer-მა ფეისბუკის საშუალებით განაცხადეს, რომ Tbilisi Open Air-ზე, სხვადასხვა მიზეზების გამო, აღარ დაუკრავენ.

პირველი, ვინც უკმაყოფილება გამოთქვა, Young Georgian Lolitaz იყო:

ბენდმა On.ge-სთან საუბარში აღნიშნა, რომ ბოიკოტს ადგილი არ აქვს:

"უბრალოდ ტექნიკურად ვერ ხერხდებოდა ჩვენი სეტის გამართვა უცხოელი ბენდების ხარჯზე".

Kung Fu Junkie იყო მეორე ბენდი, რომელმაც ფესტივალზე აღარ გამოსვლის გადაწყვეტილება შემდეგი მიზეზის გამო დააანონსა:

"სამწუხაროდ ქართული ბენდების მიმართ ძალიან არასწორი და უთანასწორო დამოკიდებულება აქვს ფესტს".

On.ge-მ ბენდის წევრებთან დაკავშირება ჯერჯერობით ვერ შეძლო.

მესამე ბენდი, რომელმაც ფესტივალზე გამოსვლა "უხარისხო ტექნიკური უზრუნველყოფის" გამო გადაიფიქრა, Backwarmer იყო.

"ბენდი უფლებას იტოვებს არ გამოვიდეს ფესტივალზე, თუ არ იქნება უზრუნველყოფილი საუნდჩეკი, ქართველი მსმენელი საკმაოდ გემოვნებიანია, რომ ეს გაიგოს" - თქვეს მათ On.ge-სთან საუბრისას.

მუსიკოსები ამბობენ, რომ ბოიკოტსა და შეთქმულებას ადგილი არ აქვს, Tbilisi Open Air-ის მედია მენეჯერი სოფო ებრალიძე კი აღნიშნავს, რომ სამივე ბენდი ერთმანეთის მსგავს ტექსტსა და ჰეშტეგს აშეარებს:

"YGL-მა ვერ გაიარა საუნდჩეკი დროის უკმარისობის გამო, რასაც მოჰყვა მათი მხრიდან უკმაყოფილება და უარი თქვეს საერთოდ დაკვრაზე, მათ სოლიდარობის მიზნით მიჰყვნენ KFJ და Backwarmer".

Tbilisi Open Air ყოველწლიური ფესტივალია, რომელიც ღია ცის ქვეშ, ცოცხალი მუსიკის თანხლებით იმართება. წელს მუსიკალური ღონისძიება 29 ივლისს Lisi Wonderland-ზე გაიხსნა და ის სამი დღით გაგრძელდება.

გაიგეთ მეტი:

Tbilisi Open Air ქართული ბენდების ბოიკოტზე: სიტუაციის გამოსწორების შანსი არ მოგვეცა